കല്ലടിക്കോട് : എസ്.എഫ്.ഐ മണ്ണാര്‍ക്കാട് ഏരിയ സമ്മേളനം കരിമ്പയില്‍ നടന്നു. മുസ്തഫ നഗറില്‍ (എച്ച്‌ഐഎസ് കണ്‍വെന്‍ഷന്‍ സെന്റര്‍) നടന്ന സമ്മേളനം സംസ്ഥാന പ്രസിഡന്റ് കെ.അനുശ്രീ ഉദ്ഘാടനം ചെയ്തു. ഏരിയ പ്രസിഡന്റ് പി വിഷ്ണു അധ്യക്ഷനാ യി. ജില്ലാ സെക്രട്ടറി എസ്.വിപിന്‍, സംസ്ഥാന കമ്മിറ്റി അംഗം കെ.സി നിമേഷ്, ജില്ലാ സെക്രട്ടറിയേറ്റ് അംഗം എം.സന്ദീപ്, സി.പി.എം. ഏരിയ സെക്രട്ടറി യു.ടി.രാമകൃഷ്ണന്‍, ഡി.വൈ.എഫ്.ഐ ജില്ലാ സെക്രട്ടറി കെ.സി.റിയാസുദ്ധീന്‍, സംഘാടക സമിതി ചെയ ര്‍മാന്‍ എന്‍കെ നാരായണന്‍കുട്ടി, സെക്രട്ടറി സി മുഹമ്മദ്ഫായിസ് എന്നിവര്‍ സംസാരി ച്ചു. കേന്ദ്രസര്‍ക്കാര്‍ അവതരിപ്പിച്ച പുത്തന്‍ വിദ്യാഭ്യാസ നയം പിന്‍വലിക്കുക,മലയോര കുടിയേറ്റ ആദിവാസി മേഖല യായ കാഞ്ഞിരപ്പുഴയില്‍ സര്‍ക്കാര്‍ കോളേജ് അനുവദി ക്കുക തുടങ്ങിയ ആവശ്യങ്ങള്‍ ഉന്നയിച്ചു. ഭാരവാഹികള്‍:എംപി വിഷ്ണു(പ്രസിഡന്റ്), എം അനന്ദു, എ സുല്‍ഫിക്കര്‍, (വൈസ് പ്രസിഡന്റ്), സി.മുഹമ്മദ് ഫായിസ് (സെക്രട്ടറി), കെ.അരവിന്ദ്, ഇ.പി.ഗോപിക (ജോയിന്റ് സെക്രട്ടറി).
