മണ്ണാര്‍ക്കാട്:അഖിലേന്ത്യാ സഹകരണ വാരാഘോഷത്തോടനു ബന്ധിച്ച് മണ്ണാര്‍ക്കാട് സര്‍ക്കിള്‍ സഹകരണ യൂണിയന്റെ നേതൃ ത്വത്തില്‍ കഴിഞ്ഞ 16 മുതല്‍ തുടങ്ങിയ താലൂക്ക്തല ആഘോഷ പരിപാടികള്‍ നാളെ സമാപിക്കും.ക്വിസ്,ഫുട്‌ബോള്‍ മത്സരങ്ങള്‍, വിവിധ വിഷയങ്ങളില്‍ സെമിനാറുകള്‍ എന്നിവയാണ് ആഘോഷ ത്തിന്റെ ഭാഗമായി സംഘടിപ്പിച്ചത്. സഹകരണ ബാങ്ക് ഭരണ സമിതി അംഗങ്ങളും ജീവനക്കാരും അണി നിരന്ന സൗഹൃദമത്സരം ആവേശമായി. മണ്ണാര്‍ക്കാട് പെരിമ്പടാരി അരീന ഇന്‍ഡോര്‍ സ്‌റ്റേ ഡിയത്തിലാണ് ഫുട്‌ബോള്‍ മത്സരം അരങ്ങേറിയത്. സാമൂഹ്യ പ്രവര്‍ത്തകന്‍ കൂടിയായ കമ്മാപ്പ മത്സരം ക്വിക്ക് ഓഫ് ചെയ്തു. അസി.രജിസ്ട്രാര്‍ സാബു,റൂറല്‍ ബാങ്ക് സെക്രട്ടറി എം പുരുഷോ ത്തമന്‍,അരിയൂര്‍ ബാങ്ക് പ്രസിഡന്റ് എ സിദ്ദീഖ്,എസ് ആര്‍ ഹബീ ബുള്ള,വിനോദ് കുമാര്‍ തുടങ്ങിയവര്‍ പങ്കെടുത്തു. 16 ഓളം ടീമു കള്‍ ടൂര്‍ണ്ണമെന്റില്‍ മാറ്റുരച്ചു.ഇതില്‍ അലനല്ലൂര്‍ സര്‍വ്വീസ് സഹകരണ ബാങ്ക് വിന്നേഴ്‌സ് ട്രോഫി നേടി.തച്ചമ്പാറ സഹകരണ ബാങ്ക് റണ്ണര്‍ അപ്പായി. സഹകാരികള്‍ തമ്മിലുള്ള സഹകരണം ശക്തിപ്പെടുത്തല്‍ എന്ന വിഷയത്തില്‍ അട്ടപ്പാടി സര്‍വ്വീസ് സഹകരണ ബാങ്കിന്റെ ആഭിമുഖ്യത്തില്‍ ഗൂളിക്കട് വിപി ഓഡിറ്റോറിയത്തില്‍ നടന്ന സെമിനാറില്‍ സംസ്ഥാന സഹകരണ ബാങ്ക് മുന്‍ പ്രസിഡന്റ് പിഎ ഉമ്മര്‍ വിഷയാവതരണം നടത്തി. മണ്ണാര്‍ക്കാട് റൂറല്‍ ബാങ്ക് ഓഡിറ്റോറിയത്തില്‍ നടന്ന താലൂക്ക് തല സെമിനാര്‍ ജോയിന്റ് രജിസ്ട്രാര്‍ (ജനറല്‍) അനിത ടി ബാലന്‍ ഉദ്ഘാടനം ചെയ്തു. സഹകരണ പ്രസ്ഥാനത്തിലൂടെ സര്‍ക്കാരിന്റെ പുതിയ സംരഭങ്ങള്‍ സാക്ഷാത്കരിക്കല്‍ എന്ന വിഷയത്തില്‍ നടന്ന സെമിനാറില്‍ ഇടുക്കി ജില്ലാ സഹകരണ ബാങ്ക് ജനറല്‍ മാനേജര്‍ എആര്‍ രാജേഷ് വിഷയാവതരണം നടത്തി. 19ന് ചൊവ്വാഴ്ച ഉച്ചയക്ക് കരിമ്പ എച്ച്‌ഐഎസ് ഹാളില്‍ യുവാക്കള്‍,സ്ത്രീകള്‍,ദുര്‍ബല വിഭാഗങ്ങള്‍ എന്നിവര്‍ക്കായുള്ള സഹകരണ സ്ഥാപനങ്ങള്‍ എന്ന വിഷയത്തില്‍ മണ്ണാര്‍ക്കാട് റൂറല്‍ സര്‍വ്വീസ് ബാങ്ക് സെക്രട്ടറി എം പുരുഷോത്തമന്‍ വിഷയാവതരണം നടത്തും. സമാപന ദിനമായ 20ന് വൈകീട്ട് നാല് മണിക്ക് കോടതിപടിയില്‍ നിന്നും ഭരണസമിതി അംഗങ്ങളും ജീവനക്കാരും സഹകാരികളും അണനിരക്കുന്ന ഘോഷയാത്ര നടക്കും. തുടര്‍ന്ന് റൂറല്‍ സര്‍വ്വീസ് സഹകരണ ബാങ്ക് ഓഡിറ്റോറിയത്തില്‍ നടക്കുന്ന സമാപന സമ്മേളനം മണ്ണാര്‍ക്കാട് ബ്ലോക്ക് പഞ്ചായത്ത് പ്രസിഡന്റ് ഒപി ഷെരീഫ് ഉദ്ഘാടനം ചെയ്തു.ജില്ലാ സഹകരണ ബാങ്ക് ജനറല്‍ മാനേജര്‍ ജില്‍സ് മോന്‍ അധ്യക്ഷത വഹിക്കും. മികച്ച പ്രവര്‍ത്തനം കാഴ്ചവെച്ച സംഘങ്ങള്‍ക്കും മത്സരവിജയികള്‍ക്കും സമ്മാനങ്ങള്‍ വിതരണം ചെയ്യും.സിനിമ സീരിയല്‍ താരം ജയരാജ് വാര്യരുടെ കാരിക്കേച്ചറും നടക്കും.സ്വാഗത സംഘം ചെയര്‍മാന്‍ എം പുരുഷോത്തമന്‍ സ്വാഗതവും കണ്‍വീനര്‍ കെജി ബാബു നന്ദിയും പറയും.