അലനല്ലൂര്‍:പ്രവാചക പ്രകീര്‍ത്തനങ്ങളാല്‍ വീഥികളെ മുഖരിത മാക്കി മാനവ സാഹോദര്യത്തിന്റെ സന്ദേശവുമായി പാറപ്പുറം ദാറുസ്സലാം സെക്കന്ററി മദ്രസയുടെ നേതൃത്വത്തില്‍ നബിദിനം ആഘോഷിച്ചു. മുന്‍ മഹല്ല് ഖാസിയും പ്രമുഖ പണ്ഡിത നുമായ ഖാസിം ഖാസിമി പതാക ഉയര്‍ത്തിയതോടെ ആഘോഷ പരിപാടികള്‍ക്ക് തുടക്കമായി.മദ്രസ വിദ്യാര്‍ത്ഥികള്‍ ,പൂര്‍വ്വ വിദ്യാര്‍ഥികള്‍ രക്ഷിതാക്കള്‍ ഉള്‍പ്പടെ നൂറ് കണക്കിനാളുകള്‍ അണി നിരന്ന ഘോഷയാത്ര മദ്രസ പരിസരത്ത് നിന്നും ആരംഭിച്ചു. മദ്ഹ് ഗാനങ്ങളും ദഫ്മുട്ടും റാലിക്ക് മിഴിവേകി. പൂളമണ്ണ, പാറപ്പുറം ,പെരിമ്പടാരി,കാഞ്ഞിരംപള്ളി എന്നിവടങ്ങള്‍ ചുറ്റി ഘോഷയാത്ര മദ്രസ അങ്കണത്തില്‍ സമാപിച്ചു. കാഞ്ഞിരംപള്ളിയില്‍ നടന്ന കൂട്ട സിയാറത്തിന് മഹല്ല് ഖാസി സ്വാദിഖ് അഹ്‌സനി നേതൃത്വം നല്‍കി. ഘോഷയാത്രക്ക് പ്രസിഡന്റ് അസീസ് സെക്രട്ടറി കെടി അഹ്‌സഹ റുദ്ദീന്‍,ട്രഷറര്‍ എസ്‌കെ മുഹമ്മദലി,സ്വദര്‍ മുഅല്ലിം കുഞ്ഞി മുഹമ്മദ് മുസ്ലിയാര്‍ തുടങ്ങിയവര്‍ നേതൃത്വം നല്‍കി.വൈകീട്ട് വിദ്യാര്‍ത്ഥികളുടെ കലാപരിപാടികളും അരങ്ങേറി.