കോട്ടോപ്പാടം : അരിയൂര്‍ ജി.എം.എല്‍.പി. സ്‌കൂള്‍ ശതാബ്ദി ആഘോഷത്തിന്റെ ഭാഗമായി പൂര്‍വ്വ അധ്യാപക സംഗമം നടത്തി. കോട്ടോപ്പാടം പഞ്ചായത്ത് സ്ഥിരം സമിതി അധ്യക്ഷന്‍ പാറയില്‍ മുഹമ്മദാലി ഉദ്ഘാടനം ചെയ്തു. പടുവില്‍ മൊയ്തീന്‍ അധ്യക്ഷനായി. ചടങ്ങില്‍ ദേശീയ അധ്യാപക അവാര്‍ഡ് ജേതാവ് ശിവപ്രസാദ് പാലോടിനെ ആദരിച്ചു. മുന്‍ അധ്യാപിക ഉഷാരവീന്ദ്രനാഥ് എഴുതിയ ചൂട്ട് എന്ന പുസ്തകം പ്രധാന അധ്യാപിക എസ്.ലക്ഷ്മിക്കുട്ടി ഏറ്റുവാങ്ങി. ബ്ലോക്ക് പഞ്ചായത്ത് അംഗം പടുവില്‍ കുഞ്ഞിമുഹമ്മദ്, ഗ്രാമ പഞ്ചായത്ത് അംഗം റുബീന ചോലക്കല്‍, പി.ടി.എ. പ്രസിഡന്റ് ഒ.ഷംസുദ്ദീന്‍, എന്‍.പി അബ്ദുല്‍ ഹമീദ്, പി.പ്രേമന്‍ എന്നിവര്‍ സംസാരിച്ചു.
