കൊപ്പം : കേരള രജിസ്‌ട്രേഷന്‍, പുരാവസ്തു വകുപ്പ് മന്ത്രി കടന്നപ്പള്ളി രാമചന്ദ്രന് ജനപ്രതിനിധികളുടെയും രാഷ്ട്രീയ സാംസ്‌കാരിക വ്യാപാരിനേതാക്കളുടെയും സാന്നിധ്യത്തില്‍ അര്‍ബന്‍ ഗ്രാമീണ്‍ സൊസൈറ്റി ഗോള്‍ഡ് ലോണിന്റെ കൊപ്പം ബ്രാഞ്ചില്‍ വെച്ച് സ്വീകരണം നല്‍കി. പട്ടാമ്പി ബ്ലോക്ക് പഞ്ചായത്ത് പ്രസിഡന്റ് ഗീത മണികണ്ഠന്‍ അധ്യക്ഷയായി. യു.ജി.എസ്. മാനേജിങ് ഡയറക്ടര്‍ അജിത്ത് പാലാട്ട് മന്ത്രിയെ പൊന്നാട അണിയിച്ചു. യു.ജി.എസ്. ഡയറക്ടര്‍ അഭിലാഷ് പാലാട്ട് മന്ത്രിക്ക് സ്‌നേഹോപഹാരം കൈമാറി. ജില്ലാ പഞ്ചായത്ത് മെമ്പര്‍ കമ്മുക്കുട്ടി ഏടത്തോള്‍, കോണ്‍ഗ്രസ് എസ് ജില്ലാ പ്രസിഡന്റ് സുനില്‍ തെക്കെതില്‍, കോണ്‍ഗ്രസ് എസ് മലപ്പുറം ജില്ലാ സെക്രട്ടറി രാധ മോഹനന്‍, കെവിവിഇഎസ് കൊപ്പം യൂണിറ്റ് പ്രസിഡന്റ് കുഞ്ഞാപ്പ ഹാജി, കെവിവിഎസ് മണ്ണാര്‍ക്കാട് താലൂക് സെക്രട്ടറി സോനു ശിവന്‍, കൊപ്പം ബിസിനസ് ക്ലബ്ബ് ചെയര്‍മാന്‍ കെ.ടി.ഷാജി, കൊപ്പം ജെ.സി.ഐ. ഭാരവാഹി കളായ മുസ്തഫ നിള, ഉനൈസ് സ്പര്‍ക്ക്, കര്‍മ്മശ്രേഷ്ഠ അവാര്‍ഡ് ജേതാവ് അച്യുതന്‍ പനച്ചിക്കുത്ത് , യു.ജി.എസ്. പി.ആര്‍.ഒ കെ.ശ്യാംകുമാര്‍, സെയില്‍സ് മാനേജര്‍ ശാസ്ത്പ്രസാദ്, ഓപ്പറേഷന്‍സ് മാനേജര്‍ ഷെബീര്‍ അലി, മാര്‍ക്കറ്റിംഗ് ഹെഡ് ഷെമീര്‍ അലി,വിവിധ ബ്രാഞ്ച് മാനേജര്‍മാര്‍, മറ്റു സ്റ്റാഫുകള്‍, ഇടപാടുകാര്‍ തുടങ്ങിയവര്‍ പങ്കെടുത്തു.
