അലനല്ലൂര്‍: വിശ്വ മാനവികതയ്ക്ക് വേദവെളിച്ചം 2024 ജനുവരി അവസാന വാരത്തില്‍ കരിപ്പൂര്‍ വെച്ച് നടക്കുന്ന മുജാഹിദ് പത്താം സംസ്ഥാന സമ്മേളനത്തിന്റെ ഭാഗമായി കെ.എന്‍.എം മര്‍ക്കസുദ്ദഅവ എടത്തനാട്ടുകര മണ്ഡലം സമിതി മാനവിക സന്ദേശ യാത്ര സംഘടിപ്പിച്ചു. മണ്ഡലം പ്രസിഡന്റ് റഷീദ് മാസ്റ്റര്‍ ചതുരാല ഉദ്ഘാടനം ചെയ്തു. മാനവിക സന്ദേശ യാത്രയുടെ വിവിധ പ്രദേശങ്ങളില്‍ മുഖ്യാതിഥികളായി മണ്ണാര്‍ക്കാട് എം.എല്‍.എ അഡ്വ.എന്‍ ഷംസുദ്ദീന്‍,മണ്ണാര്‍ക്കാട് ബ്ലോക്ക് പഞ്ചായത്ത് അംഗം പി. ഷാനവാസ് മാസ്റ്റര്‍, അലനല്ലൂര്‍ പഞ്ചായത്ത് പ്രസിഡന്റ് സജ്‌ന സത്താര്‍, കേരളാ വ്യാ പാരി വ്യവസായി ഏകോപന സമിതി പാലക്കാട് ജില്ലാ കമ്മിറ്റി അംഗം എ.പി മാനു, കെ.എന്‍.എം മര്‍ക്കസുദ്ദഅവ ജില്ലാ ജനറല്‍ സെക്രട്ടറി ഉബൈദ് മാസ്റ്റര്‍ കോട്ടോപ്പാടം തുടങിയവര്‍ പങ്കെടുത്തു. ജസീര്‍ അന്‍സാരി,കെ.പി ഉബൈദുള്ള ഫാറൂഖി,പി.ടി റിയാസുദ്ദീന്‍ സുല്ലമി, ആഷിഖ് അസ്ഹരി, സമാഹ് ഫാറൂഖി, വീരാപ്പു അന്‍സാരി, മുസ്തഫ പൂക്കാടംഞ്ചേരി, ടി.ഹംസ, ഗഫൂര്‍ സ്വലാഹി തുടങ്ങിയവര്‍ സംസാരിച്ചു.
