മണ്ണാര്‍ക്കാട് : ഒത്തൊരുമയുടെ ഓണം ആഘോഷിച്ച് പ്രസ് ക്ലബ്ബ് മണ്ണാര്‍ക്കാട് അംഗങ്ങ ള്‍. മണ്ണാര്‍ക്കാട് നടമാളിക റോഡിലുള്ള കോ-ഓപ്പറേറ്റീവ് എംപ്ലോയീസ് സൊസൈറ്റി ഹാളില്‍ നടന്ന ഓണാഘോഷ പരിപാടി കെ. ജെ.യു ജില്ലാ പ്രസിഡന്റും പ്രസ് ക്ലബ്ബ് പ്രസിഡന്റു മായ സി.എം.സബീറലി ഉദ്ഘാടനം ചെയ്തു.
കേരളത്തിന്റെ സമൃദ്ധമായ സാംസ്‌കാരിക പൈതൃകത്തെ പ്രതിഫലിപ്പിക്കുന്ന ഓണം സ്‌നേഹത്തിന്റെയും സൗഹാര്‍ദ്ദത്തിന്റെയും സന്ദേശമാണ് പകരുന്നതെന്ന് അദ്ദേഹം പറഞ്ഞു. നന്‍മയിലേക്കുള്ള തിരനോട്ടങ്ങളാണ് ഓരോ ഓണമെന്നും കള്ളവും ചതിയുമില്ലാത്ത പൊളിവചനങ്ങള്‍ എള്ളോളമില്ലാത്ത ആ മാവേലി നാട്ടിലേക്ക് മലയാ ളി മനസുകൊണ്ട് നടത്തുന്ന തീര്‍ത്ഥാടനമാണതെന്നും അദ്ദേഹം കൂട്ടിച്ചേര്‍ത്തു.
ചടങ്ങില്‍ പ്രസ് ക്ലബ്ബ് അംഗങ്ങള്‍ക്ക് ഓണക്കോടിയും വിതരണം ചെയ്തു. ആഘോഷ കമ്മിറ്റി ചെയര്‍മാന്‍ കെ.പി.അഷ്‌റഫ് അധ്യക്ഷനായി.പ്രസ് ക്ലബ്ബ് ട്രഷറര്‍ ഇ.എം. അഷ്‌ റഫ്, എം.അബ്ദുറഹ്മാന്‍, സജീവ്.പി.മാത്തൂര്‍, എ.രാജേഷ്, അബ്ദുല്‍ ഹാദി അറയ്ക്കല്‍, ഡി.മധു, അമീന്‍ മണ്ണാര്‍ക്കാട്, കൃഷ്ണദാസ് കൃപ, വി.നിസാര്‍, സൈതലവി തുടങ്ങിയവര്‍ പങ്കെടുത്തു. ജനറല്‍ സെക്രട്ടറി സി.അനില്‍കുമാര്‍ സ്വാഗ തവും ആഘോഷ കമ്മിറ്റി ജനറല്‍ കണ്‍വീനര്‍ വി.കെ.അജയന്‍ നന്ദിയും പറഞ്ഞു.
