മണ്ണാര്‍ക്കാട്:ശബരിമല തീര്‍ഥാടകരുടെ സൗകര്യത്തിനായി മണ്ണാര്‍ ക്കാട് നിന്ന് പമ്പയിലേക്ക് നാളെ മുതല്‍ കെഎസ്ആര്‍ടിസി ബസ് സര്‍വ്വീസ് ആരംഭിക്കുമെന്ന് എന്‍ ഷംസുദ്ദീന്‍ എംഎല്‍എ അറിയി ച്ചു.അയ്യപ്പ ഭക്തരുടെ അഭ്യര്‍ത്ഥന മാനിച്ച് മന്ത്രിക്ക് എംഎല്‍എ നിവേദനം നല്‍കിയിരുന്നു. മണ്ണാര്‍ക്കാട് നിന്നും പാലക്കാട് തൃശ്ശൂര്‍ കോട്ടയം എരുമേലി വഴിയാണ് പമ്പയിലേക്ക് സര്‍വ്വീസ് നടത്തുക. വെള്ളിയാഴ്ചകളില്‍ വൈകീട്ട് ആറിന് ബസ് പുറപ്പെടും.ഭക്തരുടെ തിരക്ക് അനുസരിച്ച് കൂടുതല്‍ ദിവസങ്ങളില്‍ സര്‍വ്വീസ് അനുവദി ക്കുമെന്ന് മന്ത്രി അറിയിച്ചതായി എംഎല്‍എ പറഞ്ഞു.