മണ്ണാര്‍ക്കാട്: മണ്ണാര്‍ക്കാട് എം.ഇ.എസ് കല്ലടി കോളേജില്‍ ഗ്രീന്‍ ക്യാമ്പസ് ക്യാമ്പയിന്റെ ഭാഗമായി പബ്ലിക്ക് ട്രാന്‍സ്‌പോര്‍ട്ട് ഡേ ആചരിച്ചു. കോളേജിലെ അധ്യാപകരും വിദ്യാര്‍ത്ഥികളും ജീവനക്കാരും തങ്ങളുടെ വാഹനങ്ങളുപേക്ഷിച്ച് യാത്രക്കായി പൊതുഗതാഗത സംവിധാനങ്ങള്‍ മാത്രം ഉപയോഗപ്പെടുത്തി ക്കൊണ്ടായിരുന്നു പരിപാടി. പബ്ലിക് ട്രാന്‍സ്പോര്‍ട് ഡേ ദിനാചരണം വിദ്യാര്‍ത്ഥികളില്‍ പരിസ്ഥിതി സംരക്ഷണത്തില്‍ അവബോധം സൃഷ്ടിക്കാന്‍ സഹായകമാകുമെന്നും എല്ലാ മാസത്തിലും ഒരു ദിവസം പബ്ലിക്ക് ട്രാന്‍സ്‌പോര്‍ട്ട് ഡേ ആയി ആചരിക്കുമെന്നും പ്രിന്‍സിപ്പല്‍ ഇന്‍ ചാര്‍ജ് പ്രൊഫ.റസീന അറിയിച്ചു . പരിപാടിക്ക് ഗ്രീന്‍ ക്യാമ്പസ് കോര്‍ഡിനേറ്റര്‍ പ്രൊഫ. നസീമ നേതൃത്വം നല്‍കി.