അലനല്ലൂര്‍:രാജ്യത്തിന്റെ എഴുപത്തിരണ്ടാമത് റിപ്പബ്ലിക് ദിനാ ഘോഷം എടത്തനാട്ടുകര അല്‍ ഹിക്മ അറബിക് കോളേജില്‍ സമുചിതമായി ആഘോഷിച്ചു.പ്രിന്‍സിപ്പാള്‍ റഷീദ് കൊടക്കാട്ട് പതാകയുയര്‍ത്തി.കോളേജ് ചെയര്‍മാന്‍ അബ്ദുല്‍ കബീര്‍ ഇരിങ്ങല്‍ തൊടി റിപ്പബ്ലിക് ദിന സന്ദേശം നല്‍കി. വിസ്ഡം പാലക്കാട് ജില്ലാ ട്രഷറര്‍ അബ്ദുല്‍ ഹമീദ് ഇരിങ്ങല്‍തൊടി,വൈസ് പ്രിന്‍സിപ്പാള്‍ റിഷാദ് പൂക്കാടഞ്ചേരി,അധ്യാപകരായ അബ്ദുല്‍ സലാം മാസ്റ്റര്‍, അബ്ദുള്ള അല്‍ ഹികമി, സുല്‍ഫീക്കര്‍ പാലക്കാഴി,യൂണിയന് ഭാരവാഹികളായ ഷിജിന്‍ഷാദ്,ഫര്‍ഷിന്‍ എന്നിവര്‍ സംസാരിച്ചു.
സ്റ്റുഡന്റ്‌സ് യൂണിയന് കീഴില്‍ കര്‍ഷക സമരത്തിന് ഐക്യ ദാര്‍ഢ്യം, ക്വിസ് മത്സരം,പ്രസംഗ മത്സരം,പോസ്റ്റര്‍നിര്‍മാണം, മാഗസിന്‍ മത്സരം, ഷൂട്ട്ഔട്ട്, ജഗ്ലിങ് എന്നിവ നടന്നു.
