മണ്ണാര്‍ക്കാട് : പെരിമ്പടാരി ഗ്രീന്‍വാലി റസിഡന്‍സ് അസോസിയേഷന്‍ സംഘടിപ്പിച്ച പുതുവത്സരാഘോഷം മുന്‍ ഡെപ്യൂട്ടി സ്പീക്കര്‍ ജോസ് ബേബി ഉദ്ഘാടനം ചെയ്തു. നവ വധൂവരന്‍മാരായ ഹരിതയും ജിഷ്ണുവും ചേര്‍ന്ന് കേക്ക് മുറിച്ചു.അസേസിയേഷന്‍ പ്രസിഡന്റ് എം.ചന്ദ്രദാസന്‍ അധ്യക്ഷനായി.
പുതുവര്‍ഷത്തിലെ ഭാഗ്യകുടുംബമായി കൊഴക്കോട്ടില്‍ വിജയന്റെ കുടുംബത്തെ നറുക്കെടുപ്പിലൂടെ തിരഞ്ഞെടുത്തു. സം സ്ഥാന ഗണിതശാസ്ത്രമേളയില്‍ ഗെയിംസ് ഇനത്തില്‍ എ ഗ്രേഡ് നേടിയ ദേവദത്തിനെ അനുമോദിച്ചു. പുതുവത്സര സുഹൃത്തിനെ കണ്ടെത്തി ഓരോ കുടുംബവും സമ്മാനം കൈമാറി. വിവിധ കലാപരിപാടികളും അരങ്ങേറി. സെക്രട്ടറി പി.അച്യുതനുണ്ണി, ട്രഷറര്‍ എം.പി.ഉമ്മര്‍, ജിജി മാത്യു, ലിസ്സി ദാസ്, വിനു തോമസ്, അജി ഐസക്, തോമസ് കുട്ടി, പി.ബാബു തുടങ്ങിയവര്‍ നേതൃത്വം നല്‍കി.
