കല്ലടിക്കോട് : വിദ്യാലയ ജീവിതത്തിലെ അവിസ്മരണീയമായ ഓര്‍മ്മകളുടെ തണലില്‍ കല്ലടിക്കോട് ഗവ. മാപ്പിള സ്‌കൂളിലെ പൂര്‍വ വിദ്യാര്‍ഥികള്‍ ഒത്തുചേര്‍ന്നു. സ്‌കൂള്‍ ശതാബ്ദിയോടനുബന്ധിച്ചായിരുന്നു പഴയകാല പഠിതാക്കള്‍ സംഗമിച്ചത്. ഓള്‍ഡ് സ്റ്റു ഡന്‍സ് അസോസിയേഷനും രൂപീകരിച്ചു. ഭാരവാഹികള്‍: പി.എച്ച്.അഷ്‌റഫ് (പ്രസിന്റ്), ഫഫാര്‍ കല്ലടിക്കോട്, എം.യു.ഷംസുദ്ദീന്‍ (വൈസ് പ്രസിഡന്റ്), അസ്‌കര്‍ ടാസ (ജനറല്‍ സെക്രട്ടറി), എന്‍.യു.അഷ്‌റഫ്, പി.എം.നവാസ്, സുന്ദരന്‍, സീനത്ത് ടീച്ചര്‍, (ജോയിന്റ് സെക്രട്ടറി), എം.യു.മുഹമ്മദ് (ട്രഷറര്‍), എം.അബൂബക്കര്‍, എം.കെ.മന്‍സൂര്‍, എം.ഷമീല്‍, സലീന, അബൂബക്കര്‍ സിദ്ധീഖ്, ജാഫര്‍, എം.എ.റഷീദ്, ഷക്കീല, എം.പി.മുസ്തഫ, വി. സുനില്‍, എന്‍.എസ്.അലിയാര്‍, കെ.കെ.ചന്ദ്രന്‍ (പ്രവര്‍ത്തക സമിതി അംഗം). ജനുവരി 26ന് മാതൃ സംഗമം നടത്താനും തീരുമാനിച്ചു. യോഗം സി.കെ.രാജന്‍ മാസ്റ്റര്‍ ഉദ്ഘാടനം ചെയ്തു. വാര്‍ഡ് മെമ്പര്‍ കെ.കെ.ചന്ദ്രന്‍ അധ്യക്ഷനായി. എം.കൃഷ്ണദാസന്‍ മാസ്റ്റര്‍, സജീവ് കുമാര്‍ മാസ്റ്റര്‍,പി.ടി.എ. പ്രസിഡന്റ് പി.സെയ്തലവി, വൈസ് പ്രസിഡന്റ് എം.ഇസ്മായില്‍, എസ്.ആര്‍.ജി. കണ്‍വീനര്‍ കെ.എം.നിഷ, എം.പി.ടി.എ. പ്രസിഡന്റ് റഹ്മത്ത് നൂര്‍, എസ്. എം.സി. ചെയര്‍മാന്‍ അഡ്വ.സുനീറ തുടങ്ങിയവര്‍ സംസാരിച്ചു. പ്രധാന അധ്യാപകന്‍ പി.സെയ്താലി സ്വാഗതവും ഒ.എസ്.എ. പ്രസിഡന്റ് പി.എച്ച്.അഷ്‌റഫ് നന്ദിയും പറഞ്ഞു.
