കുമരംപുത്തൂര്‍ : കേരളാ സ്‌കൂള്‍ ടീച്ചേഴ്‌സ് യൂണിയന്‍ വിദ്യാഭ്യാസ ജില്ലാ കമ്മിറ്റിയുടെ നേതൃത്വത്തില്‍ അധ്യാപക കുടുംബ സംഗമവും സേവനത്തില്‍ നിന്ന് വിരമിക്കുന്ന സംസ്ഥാന ട്രഷറര്‍ ഹമീദ് കൊമ്പത്തിനുള്ള യാത്രയയപ്പും ഇശല്‍ സന്ധ്യയും നടത്തി. കുമരംപുത്തൂര്‍ സഹകരണ ബാങ്ക് ഹാളില്‍ എന്‍. ഷംസുദ്ദീന്‍ എം.എല്‍.എ ഉദ്ഘാടനം ചെയ്തു. വിദ്യാഭ്യാസ ജില്ലാ പ്രസിഡന്റ് സി.പി. ഷിഹാബുദ്ദീന്‍ അധ്യക്ഷനായി. പൊതു വിദ്യാഭ്യാസ വകുപ്പ് ജോയിന്റ് ഡയറക്ടര്‍ എ.അബൂബക്കര്‍ മുഖ്യാതിഥിയായി. എ.ഇ.ഒ സി.അബൂബക്കര്‍ മുഖ്യപ്രഭാഷണം നടത്തി. കെ.എ.ടി.എഫ് സംസ്ഥാന വൈസ് പ്രസി ഡന്റ് എം.മുഹമ്മദലി മിഷ്‌കാത്തി ‘സംതൃപ്ത കുടുംബ ജീവിതം ‘ എന്ന വിഷയം അവതരിപ്പിച്ചു.
മുസ്ലിം ലീഗ് മണ്ഡലം ജനറല്‍ സെക്രട്ടറി ഹുസൈന്‍ കോളശ്ശേരി, കെ.എസ്.ടി.യു മുന്‍ സംസ്ഥാന പ്രസിഡന്റ് കരീം പടുകുണ്ടില്‍, സെക്രട്ടറി സിദ്ദീഖ് പാറോക്കോട്, ജില്ലാ പ്രസിഡന്റ് ടി.നാസര്‍, സെക്രട്ടറി കെ.പി.എ.സലീം, വിദ്യാഭ്യാസ ജില്ലാ സെക്രട്ടറി സലീം നാലകത്ത്, സി. എച്ച്.സുല്‍ഫിക്കറലി, കെ.എ.മനാഫ്, സെറ്റ്‌കോ ജില്ലാ ചെയ ര്‍മാന്‍ കാസിം കുന്നത്ത്, സി.കെ.സി.ടി ജില്ലാ സെക്രട്ടറി ഡോ.ടി. സൈനുല്‍ ആബിദ്, കെ.എച്ച്.എസ്.ടി.യു ജില്ലാ വൈസ് പ്രസിഡന്റ് സി.പി. മൊയ്തീന്‍, യൂത്ത്ലീഗ് മണ്ഡലം ജനറല്‍ സെക്രട്ടറി മുനീര്‍ താളിയില്‍, എം.എസ്.എഫ് ജില്ലാ പ്രസിഡന്റ് കെ.യു.ഹംസ, വനിതാ വിങ് സംസ്ഥാന വൈസ് പ്രസിഡന്റ് കെ.എം. സാലിഹ, ജില്ലാ പ്രസിഡന്റ് കെ.പി.നീന, എന്‍.ഷാനവാസ് അലി എന്നിവര്‍ സംസാരിച്ചു.
ഹമീദ് കൊമ്പത്ത്, കെ.ടി.യൂസഫ് മറുപടി പ്രസംഗം നടത്തി. തുടര്‍ന്ന് പട്ടുറുമാല്‍ ഫെയിം ആയിഷാ ഫില്‍വയുടെ നേതൃത്വത്തില്‍ ഇശല്‍ സന്ധ്യയും അരങ്ങേറി.
