അലനല്ലൂര്‍ : കാട്ടുകുളം മില്ലുംപടിയ്ക്ക് സമീപം വൈദ്യുതി ലൈനില്‍ തട്ടി മിനിലോറി യിലുണ്ടായിരുന്ന വൈക്കോലിന് തീപിടിച്ചു. ആളപായമില്ല. ഇന്ന് ഉച്ചയ്ക്ക് രണ്ട് മണി യോടെ മില്ലുംപടി മാടമ്പി റോഡില്‍ വെച്ചായിരുന്നു സംഭവം. മിനിലോറി അരിയക്കു ണ്ട് ഭാഗത്ത് നിന്നും എടത്തനാട്ടുകരയിലേക്ക് പോവുകയായിരുന്നുവെന്നാണ് വിവരം. ഇതിനിടെയാണ് വാഹനത്തിലുണ്ടായിരുന്ന വൈക്കോല്‍ കെട്ടുകള്‍ വൈദ്യുതി ലൈ നില്‍ തട്ടി അഗ്നിബാധയുണ്ടായത്. ഇത് ശ്രദ്ധയില്‍പ്പെട്ട ഡ്രൈവര്‍ ഉടന്‍ വാഹനം നിര്‍ ത്തി നാട്ടുകാരെ വിളിച്ച് കൂട്ടുകയായിരുന്നു. സമീപത്തുണ്ടായിരുന്നവര്‍ ഓടിയെത്തി വാഹനത്തിലുണ്ടായിരുന്ന കെട്ട് അഴിച്ച് വൈക്കോല്‍കെട്ടുകള്‍ പുറത്തേക്കിടുകയും തീയണക്കാനും ശ്രമിച്ചു. വിവരം വട്ടമ്പലം അഗ്നിരക്ഷാ നിലയത്തിലും അറിയിച്ചു. അസി.സ്റ്റേഷന്‍ ഓഫിസര്‍ എ.കെ.ഗോവിന്ദന്‍കുട്ടി, സീനിയര്‍ ഫയര്‍ ആന്‍ഡ് റെസ്‌ക്യു ഓഫിസര്‍സജിത്ത് മോന്‍, ഫയര്‍ ആന്‍ഡ് റെസ്‌ക്യു ഓഫിസര്‍മാരായ പി.കെ.രഞ്ജിത്ത്, അജീഷ്, റിജേഷ്, ഷബീര്‍, ഡ്രൈവര്‍ രാഗില്‍, ഹോംഗാര്‍ഡ് അന്‍സല്‍ ബാബു എന്നിവ രുടെ നേതൃത്വത്തിലെത്തിയ സംഘം തീയണക്കുകയായിരുന്നു. നാട്ടുകാരുടെയും അഗ്നിരക്ഷാസേനയുടെയും സമയോചിതമായ ഇടപെടല്‍ വലിയ ദുരന്തത്തെ ഒഴി വാക്കി. വാഹനത്തിന് കാര്യമായ കേടുപാടുകളില്ല.
