മണ്ണാര്‍ക്കാട് : പയ്യന്നൂരില്‍ നടന്ന പതിനഞ്ചാമത് സംസ്ഥാന കുറാഷ് ചാംപ്യന്‍ഷിപില്‍ 187 പോയിന്റ് നേടി പാലക്കാട് ജില്ല ഓവറോള്‍ ചാംപ്യന്‍ഷിപ്പ് കരസ്ഥമാക്കി. കോട്ടോപ്പാടം കല്ലടി അബ്ദുഹാജി ഹയര്‍ സെക്കന്‍ഡറി സ്‌കൂളിന്റെ കരുത്തിലാണ് ജില്ലയുടെ വിജയം. 24 സ്വര്‍ണവും 18 വെള്ളിയും 13 വെങ്കല മെഡലുകളുമാണ് ജില്ല യുടെ നേട്ടം. 147 പോയിന്റുമായി എറണാകുളം ജില്ല രണ്ടാം സ്ഥാനവും 47 പോയി ന്റുമായി മലപ്പുറം ജില്ല മൂന്നാം സ്ഥാനവും നേടി. സബ് ജൂനിയര്‍ ബോയ്‌സ് വിഭാഗ ത്തില്‍ അഫ്‌ലഹ്, ജൂനിയര്‍ ഗേള്‍സ് വിഭാഗത്തില്‍ കെ.പി.ഷമീല, ജൂനയിര്‍ ബോയ്‌സ് വിഭാഗത്തില്‍ കെ.ടി.നിഹാല്‍ എന്നിവരെ കേരളത്തിലെ മികച്ച പ്രൊമിസിംഗ് പ്ലേയ റായും തിരഞ്ഞെടുത്തു. കര്‍ണാടകയില്‍ വച്ച് നടക്കുന്ന ദേശീയ കുറാഷ് ചാംപ്യന്‍ഷി പിലേക്ക് സബിത്, ഷാനില്‍, റിയാന്‍, ഷിബിലി, കെ.ടി.നിഹാല്‍, ബിന്‍ഷ, നൈഷാന, റിന്‍ഷ, സായ് ലക്ഷ്മി, ദേവിക, ഫിദ ഫാസില്‍, സുചിത്ര,സഫ്‌വാന തുടങ്ങിയവരെ തെര ഞ്ഞെടുത്തു. സംസ്ഥാനത്തെ മികച്ച കുറാഷ് പരിശീലകനായി പാലക്കാട് ടീമി ന്റെ പരിശീലകന്‍ കെ.പി.റിയാസിനെ തിരഞ്ഞെടുത്തു. കോട്ടോപ്പാടം സ്‌കൂളിലെ കായിക അധ്യാപകരായ ഷിജി ജോര്‍ജ്, കെ.പി.റിയാസ് എന്നിവരെ സ്റ്റാഫ് കൗണ്‍സില്‍ അനുമോദിച്ചു.
