അലനല്ലൂര്‍: സ്‌കൂള്‍ മൈതാനിയില്‍ ജനുവരി മൂന്ന് മുതല്‍ ആരം ഭിക്കുന്ന ചാലഞ്ചേഴ്‌സ് അഖിലേന്ത്യ ഫുട്‌ബോള്‍ മേളയ്ക്കുള്ള ഗ്യാലറിയുടെ കാല്‍നാട്ടല്‍ കര്‍മ്മം മുന്‍ പാലക്കാട് ജില്ലാ ഫുട്‌ ബോള്‍ താരം സക്കീര്‍ പാറോക്കോട് നിര്‍വഹിച്ചു.ചലഞ്ചേഴ്‌സ് ആര്‍ട്‌സ് ആന്‍ഡ് സ്‌പോര്‍ട്‌സ് ക്ലബ് പ്രസിഡന്റ് ഓ.പി ഫിറോസ് അധ്യക്ഷത വഹിച്ചു. സുല്‍ഫി അസോസിയേഷന്‍ മാനേജിംഗ് ഡയറക്ടര്‍ സുല്‍ഫി,പിടിഎ വൈസ് പ്രസിഡണ്ട് സക്കീര്‍.സി, അബ്ദുള്ള.വി, അലി.എം, സി ബഷീര്‍, നാസര്‍.കെ, നാസര്‍.വി.പി, ക്ലബ്ബ് ജനറല്‍സെക്രട്ടറി നസീര്‍.പി, സ്വാഗതവും ക്ലബ്ബ് ട്രഷര്‍ മുബാറക്ക്.വി.ടി നന്ദിയും പറഞ്ഞു.ജനുവരി മൂന്നിന് ആരംഭിക്കുന്ന ഫുട്‌ബോള്‍ മേള ഒരു മാസക്കാലം നീണ്ടു നില്‍ക്കും ജീവകാരുണ്യ പ്രവര്‍ത്തനങ്ങള്‍ക്ക് ഊന്നല്‍ നല്‍കി സംഘടിപ്പിക്കുന്ന മേളയില്‍ കേരളത്തിലെ വിവിധ ഭാഗങ്ങളില്‍ നിന്നുള്ള പ്രമുഖ 24 ടീമുകളാണ് മത്സരിക്കുന്നത് വിവിധ രാഷ്ട്രീയ സാംസ്‌കാരിക സാമൂഹിക ജീവകാരുണ്യ മേഖലയിലെ പ്രമുഖ വ്യക്തിത്വങ്ങള്‍ വിവിധ സെഷനുകളിലായി പങ്കെടുക്കും എടത്തനാട്ടുകര സ്‌കൂള്‍ മൈതാനിയിലാണ് മേള നടക്കുന്നത് ഇപ്രാവശ്യം ഇതാദ്യമായി പുല്‍മൈതാനിയിലാണ് കളി അരങ്ങേറുക 5000 പേര്‍ക്കിരി ക്കാവുന്ന താല്‍ക്കാലിക ഗ്യാലറി ആണ് നിര്‍മ്മിക്കുന്നത്.
