തച്ചനാട്ടുകര:ഡിവൈഎഫ്‌ഐ ചെത്തല്ലൂര്‍ മേഖല കമ്മിറ്റി സംഘ ടിപ്പിച്ച പിഎസ് സി അവബോധ സെമിനാര്‍ ചെത്തല്ലൂര്‍ എന്‍എന്‍ എന്‍എം യുപി സ്‌കൂളില്‍ നടന്നു.തച്ചനാട്ടുകര ഗ്രാമ പഞ്ചായത്ത് ആരോഗ്യവിദ്യാഭ്യാസ സ്റ്റാന്റിംഗ് കമ്മിറ്റി ചെയര്‍പേഴ്‌സണ്‍ എംകെ ലീല ഉദ്ഘാടനം ചെയ്തു.ഹരിശങ്കര്‍ വിഷയാവതരണം നടത്തി. മേഖല കമ്മിറ്റി പ്രസിഡന്റ് അമല്‍ജിത്ത് അധ്യക്ഷനായി. ബ്ലോക്ക് കമ്മിറ്റി അംഗങ്ങളായ കെഎസ് അനുശ്രീ,ഇപി അംബരീഷ്, സിപിഎം ലോക്കല്‍ കമ്മിറ്റി അംഗങ്ങളായ കെവി സതീശന്‍,എംപി കാളിദാസന്‍,ജില്ലാ ലൈബ്രറി കൗണ്‍സില്‍ അംഗം ബിന്ദു പിഎം , ചെത്തല്ലൂര്‍ പൊതുജന ഗ്രന്ഥാലയം ലൈബ്രേറിയന്‍ മുരളി മോഹന്‍ ദാസ് എന്നിവര്‍ സംസാരിച്ചു. ഡിവൈഎഫ്‌ഐ മേഖല സെക്രട്ടറി ഹരീഷ് സ്വാഗതവും ട്രഷറര്‍ അലി ഹൈദര്‍ നന്ദിയും പറഞ്ഞു.