തച്ചനാട്ടുകര: സമസ്ത കേരളാ ഇസ്ലാമത വിദ്യാഭ്യാസ ബോര്‍ഡിന്റെ നേതൃത്വത്തില്‍ മദ്റസാ അധ്യാപകര്‍ക്ക് നല്‍കുന്ന തഹ്‌സീനുല്‍ ഖിറാഅ കോഴ്‌സ് തച്ചനാട്ടുകര റൈഞ്ചില്‍ അണ്ണാന്‍ തൊടി ഹയാ ത്തുല്‍ ഇസ്ലാം മദ്റസയില്‍ ആരംഭിച്ചു.പുതിയ മെത്തേടില്‍ ഖുര്‍ആന്‍ പഠനം ലളിതമാക്കുകയാണ് കോഴ്‌സിന്റെ ലക്ഷ്യം. പന്ത്രണ്ട് ദിവസം നീണ്ടു നില്‍ക്കുന്ന കോഴ്‌സില്‍ ആദ്യ ഘട്ടത്തില്‍ അന്‍പതോളം അധ്യാപകരാണ് പങ്കെടുക്കുന്നത്. കോഴ്‌സിന്റെ ഉദ്ഘാടനം ജംഇയ്യത്തുല്‍ ഖുത ബാ സംസ്ഥാന ഉപാദ്ധ്യക്ഷന്‍ സയ്യിദ് ഇമ്പിച്ചിക്കോയ തങ്ങള്‍ നിര്‍വ്വഹിച്ചു. ക്ലാസ്സിന് വിദ്യാഭ്യാസ ബോര്‍ഡ് മുജവിദ് സിദ്ധീഖ് ഫൈസി പട്ടാമ്പി നേതൃത്വം നല്‍കും. റൈഞ്ച് മുഫത്തിഷ് ഫൈസല്‍ ലത്തീഫ്, സെക്രട്ടറി കബീര്‍ അന്‍വരി നാട്ടുകല്‍,സി.പി അലവി മാസ്റ്റര്‍,മാനേജ്‌മെന്റ് സെക്രട്ടറി കരിമ്പനക്കല്‍ ഹംസ സാഹിബ് തുടങ്ങിയവര്‍ സംസാരിച്ചു.