അഗളി: അട്ടപ്പാടി രാജീവ് ഗാന്ധി മെമ്മോറിയല്‍ ഗവ.ആര്‍ട്‌സ് ആന്‍ഡ് സയന്‍സ് കോളജ് യൂനിയന്‍ ഷാഫി പറമ്പില്‍ എം.എല്‍.എ. ഉദ്ഘാടനം ചെയ്തു. ചലച്ചിത്ര താരം കൈലാഷ് മുഖ്യാതിഥിയായിരുന്നു. കോളജ് യൂനിയന്‍ ചെയര്‍മാന്‍ മുഹമ്മദ് ഷിഖില്‍ അധ്യക്ഷനായി. ദേശീയ പുരസ്‌കാര ജേതാവ് നഞ്ചിയമ്മ, കര്‍ഷക അവാര്‍ഡ് ജേതാവ് പി.എം.മാത്യു പുത്തന്‍പുരയില്‍, ബെന്നി മാത്യു പാറകുടിയില്‍, ത്രോബോള്‍ സ്വര്‍ണ മെഡല്‍ ജേതാവ് വി.പവിത്ര, സംസ്ഥാന പൊലിസ് മെഡല്‍ ജേതാവ് സി.എം. അബ്ദുല്‍ ഖയ്യൂം, മികച്ച എന്‍.എസ്.എസ്. വളണ്ടിയര്‍ക്കുള്ള സംസ്ഥാന അവാര്‍ഡ് ജേതാവ് ആല്‍വിന്‍ കുര്യാക്കോസ്, കരാട്ടെ ടീമിലേക്ക് തിരഞ്ഞെടുക്കപ്പെട്ട പാര്‍ത്ഥിപന്‍, ധബാരികുരുവി സിനിമ ഫെയിം മീനാക്ഷി എന്നിവരെ ആദരിച്ചു. കോളജ് പ്രിന്‍സിപ്പല്‍ അമീന്‍ ദാസ്, ആശ.ടി.രാജന്‍, മലര്‍ ചിത്ര, ജോബി കുരുവിക്കാട്ടില്‍, ഗിരീഷ് ഗുപ്ത, നിഖില്‍, ആഷിഫ് കാപ്പില്‍, ജിബിന്‍ കൃഷ്ണ, എ.ഫാത്തിമ, ഫാത്തിമത്ത് സന, മുര്‍ഷിദ്, മന്യ, കൃഷ്ണ, സെനില്‍ ഷാറൂഖ്, അനുവിന്ദ് തുടങ്ങിയവര്‍ സംസാരിച്ചു.
