മണ്ണാര്ക്കാട് : കേരളത്തില് അടുത്ത അഞ്ച് ദിവസം ഇടിമിന്നലോടു കൂടിയ മഴയ്ക്ക് സാധ്യതയെന്ന് കേന്ദ്ര കാലാവസ്ഥ വകുപ്പ്. ബംഗാള് ഉള്ക്കടലില് രൂപപ്പെട്ട ന്യൂനമര്ദ്ദം ചുഴലിക്കാറ്റായി മാറാന് സാധ്യത. തെക്കന് ആന്ഡമാന് കടലിനു മുകളിലായി നില നിന്നിരുന്ന ചക്രവാതചുഴി ശക്തി പ്രാപിച്ച് ന്യൂനമര്ദ്ദമായി മാറി. ന്യൂനമര്ദ്ദം പടിഞ്ഞാ റു – വടക്ക് പടിഞ്ഞാറു ദിശയില് സഞ്ചരിച്ച് നവംബര് 29-ഓടെ തെക്ക് കിഴക്കന് ബം ഗാള് ഉള്ക്കടലില് തീവ്ര ന്യൂനമര്ദ്ദമായി ശക്തി പ്രാപിച്ചേക്കും. തുടര്ന്ന് വടക്കു പടി ഞ്ഞാറു ദിശയില് സഞ്ചരിക്കുന്ന തീവ്ര ന്യൂനമര്ദ്ദം ശക്തിപ്രാപിച്ച് അടുത്ത 48 മണിക്കൂ റിനുള്ളില് ചുഴലിക്കാറ്റായി മാറാനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. കേരള തീരത്ത് നവംബര് 27 ന് രാത്രി 11.30 വരെ 0.3 മുതല് 1.2 മീറ്റര് വരെ യും തെക്കന് തമിഴ്നാട് തീരത്ത് 0.3 മുതല് 1.5 മീറ്റര് വരെയും ഉയര്ന്ന തിരമാലയ്ക്കും കടലാക്രമണത്തിനും സാധ്യതയുണ്ടെന്ന് ദേശീയ സമുദ്രസ്ഥിതിപഠന ഗവേഷണ കേന്ദ്രം അറിയിച്ചു.
മത്സ്യത്തൊഴിലാളികളും തീരദേശവാസികളും ജാഗ്രത പാലിയ്ക്കുക.
- കടല്ക്ഷോഭം രൂക്ഷമാകാന് സാധ്യതയുള്ളതിനാല് അപകട മേഖലകളില് നിന്ന് അധികൃതരുടെ നിര്ദേശാനുസരണം മാറി താമസിക്കണം.
- മല്സ്യബന്ധന യാനങ്ങള് (ബോട്ട്, വള്ളം, മുതലായവ) ഹാര്ബറില് സുരക്ഷിതമായി കെട്ടിയിട്ട് സൂക്ഷിക്കുക. വള്ളങ്ങള് തമ്മില് സുരക്ഷിത അകലം പാലിക്കുന്നത് കൂട്ടിയിടിച്ചുള്ള അപകട സാധ്യത ഒഴിവാക്കാം. മല്സ്യബന്ധന ഉപകരണങ്ങളുടെ സുരക്ഷ ഉറപ്പാക്കണം.
- ബീച്ചിലേക്കുള്ള യാത്രകളും കടലില് ഇറങ്ങിയുള്ള വിനോദങ്ങളും പൂര്ണമായും ഒഴിവാക്കുക.
![](http://unveilnewser.com/wp-content/uploads/2023/11/10x451-2-1050x252.jpg)