മണ്ണാര്‍ക്കാട് : വീരമൃത്യുവരിച്ച ജില്ലയിലെ സൈനികരുടെ ഓര്‍മ്മയ്ക്കായി എഴുപ ത്തിയഞ്ചാം റിപ്പബ്ലിക് ദിനത്തില്‍ മദര്‍ കെയര്‍ ഹോസ്പിറ്റലും പാലക്കാട് സൈനിക സൗഹൃദ കൂട്ടായ്മയും സംയുക്തമായി രക്തദാന ക്യാംപ് സംഘടിപ്പിച്ചു. മദര്‍കെയര്‍ ഹോസ്പിറ്റലില്‍ നടന്ന ക്യാംപില്‍ സൈനികരും ടൈഗേഴ്‌സ് അക്കാദമി വിദ്യാര്‍ഥികളും ഉള്‍പ്പടെ ഇരുപതോളം പേര്‍ രക്തദാനം നടത്തി. മദര്‍കെയര്‍ ഹോസ്പിറ്റല്‍ അഡ്മിനി സ്‌ട്രേറ്റര്‍ വിനോദ്കുമാര്‍ മുഖ്യാതിഥിയായി. കൂട്ടായ്മ സെക്രട്ടറി പി.വി.സദാനന്ദന്‍ അധ്യ ക്ഷനായി. ടൈഗേഴ്‌സ് അക്കാദമി സ്ഥാപകന്‍ ശ്രീജിത് മേനോന്‍, നഴ്‌സിങ് സൂപ്രണ്ട് ജോമി, ഹോസ്പിറ്റല്‍ ബ്ലഡ് ബാങ്ക് ഇന്‍ചാര്‍ജ് നിതിന്‍, താലൂക്ക് എക്‌സിക്യുട്ടിവ് അംഗം അന്‍സല്‍ ബാബു, രക്ഷാധികാരി അനില്‍കുമാര്‍, മറ്റ് എക്‌സിക്യുട്ടിവ് അംഗങ്ങള്‍ തുടങ്ങിയവര്‍ പങ്കെടുത്തു.
