കോട്ടോപ്പാടം : പഞ്ചായത്തിലെ കൊമ്പം വടശ്ശേരിപ്പുറം പ്രദേശത്തിന്റെ വിദ്യാഭ്യാസ സാംസ്‌കാരിക മുന്നേറ്റത്തിന് വഴിയൊരുക്കി അമ്പത് സംവത്സരങ്ങള്‍ പിന്നിടുന്ന വട ശ്ശേരിപ്പുറം ഷൈക്ക് അഹമ്മദ് ഹാജി സ്മാരക സര്‍ക്കാര്‍ ഹൈസ്‌കൂളിന്റെ സുവര്‍ണ ജൂബിലി വിപുലമായ പരിപാടികളോടെ ആഘോഷിക്കുന്നതിനായി സ്വാഗതസംഘം രൂപീകരിച്ചു. ഗ്രാമപഞ്ചായത്ത് പ്രസിഡന്റ് അക്കര ജസീനയെ ചെയര്‍മാനും പ്രധാനാ ധ്യാപകന്‍ എസ്.നസീര്‍ ഹുസൈനെ ജനറല്‍ കണ്‍വീനറുമായി തിരഞ്ഞെടുത്തു. ഡിസംബര്‍ 2 ന് വിളംബര ജാഥയോടെ ഗോള്‍ഡന്‍ ജൂബിലിക്ക് തുടക്കമാകും. പൂര്‍വ്വ വിദ്യാര്‍ഥി,അധ്യാപക സംഗമങ്ങള്‍, മെഡിക്കല്‍ ക്യാംപുകള്‍, കലാ കായിക മത്സര ങ്ങള്‍, പ്രതിഭാ സംഗമം, കള്‍ച്ചറല്‍ ഫെസ്റ്റ്, ഫുട്‌ബോള്‍ മേള, മെഗാ തിരുവാതിര, മെഹ ന്ദി ഫെസ്റ്റ് എന്നിവ നടക്കും. അമ്പതാം വാര്‍ഷിക സ്മരണികയും പ്രസിദ്ധീകരിക്കും. യോഗം ബ്ലോക്ക് പഞ്ചായത്ത് പ്രസിഡന്റ് വി.പ്രീത ഉദ്ഘാടനം ചെയ്തു. പി.ടി.എ പ്രസി ഡണ്ട് അക്കര ഹമീദ് അധ്യക്ഷത വഹിച്ചു.സീനിയര്‍ അസിസ്റ്റന്റ് ബാബുരാജ്,ഹമീദ് കൊമ്പത്ത്,പി.ടി.സിദ്ദീഖ്,കെ.ഹസ്സന്‍,എം.വഹീദ്,കെ.സുഭീഷ്,എന്‍.സമദ്,അക്കര മു ഹമ്മദ്, മുസ്തഫ കുന്നത്ത്, കെ.രവി, എ.കുഞ്ഞയമു, എ.റഫീഖ്, സി.ടി.ജലീല്‍, സി.എ.ഉഷ, എ.ശശി തുടങ്ങിയവര്‍ സംസാരിച്ചു.
