അലനല്ലൂര്‍ : എടത്തനാട്ടുകര നാലുകണ്ടത്തില്‍ കോഴിഫാമിലെ നാനൂറോളം കോഴിക ളെ തെരുവുനായ്ക്കള്‍ കടിച്ചുകൊന്നു. ചേരിയാടന്‍ സൈതലവിയുടെ ഉടമസ്ഥതയിലു ള്ള ഫാമിലെ കോഴികളാണ് ചത്തത്. ശനിയാഴ്ച രാത്രി പതിനൊന്നരയോടെയായിരുന്നു സംഭവം. ഫാമിന്റെ കമ്പിവല കടിച്ച് പൊട്ടിച്ച് അകത്തുകയറിയ നായ്ക്കള്‍ പത്തെണ്ണ ത്തിനെ തിന്നുകയും 380ലധികം കോഴികളെ കടിച്ച് കൊല്ലുകയും ചെയ്തു. 25 ദിവസം വളര്‍ച്ചയെത്തിയ കോഴികളായിരുന്നു ഇവ. രാത്രിയില്‍ കോഴികളുടെ ശബ്ദം കേട്ട് സെ യ്തലവി ഫാമിലെത്തി നോക്കിയപ്പോഴാണ് നായ്ക്കള്‍ കോഴികളെ ആക്രമിക്കുന്നത് കണ്ടത്. സെയ്തലവിയെ കണ്ട ഉടന്‍ നായ്ക്കള്‍ പുറത്തേക്കോടി. ഫാമില്‍ ആകെ 1200 കോഴികളാണ് ഉണ്ടായിരുന്നത്. വലിയ സാമ്പത്തിക നഷ്ടം നേരിട്ടതായി ഫാം ഉടമ പറഞ്ഞു.
