അലനല്ലൂര്‍ : സംസ്ഥാന ശാസ്‌ത്രോത്സവം പ്രവര്‍ത്തിപരിചയമേളയില്‍ എഗ്രേഡ് നേടിയ എടത്തനാട്ടുകര ഗവ.ഓറിയന്റല്‍ ഹയര്‍ സെക്കന്‍ഡറി സ്‌കൂളിലെ വിദ്യാര്‍ഥികളെ പി.ടി.എയും അധ്യാപകരും ചേര്‍ന്ന് അനുമോദിച്ചു. ഹൈസ്‌കൂള്‍ വിഭാഗം ത്രഡ് പാറ്റേണ്‍ മത്സരത്തില്‍ പത്താം ക്ലാസ് വിദ്യാര്‍ഥി പി. അമന്‍ സലാം, ചെലവ് കുറഞ്ഞ പോഷകാ ഹാര നിര്‍മാണ മത്സരത്തില്‍ ഒമ്പതാം ക്ലാസ് വിദ്യാര്‍ഥിനി പി.ബിയ്യ ഇശല്‍ എന്നിവര്‍ എഗ്രേഡോടെ രണ്ടാം സ്ഥാനം നേടി.ഹയര്‍ സെക്കന്‍ഡറി വിഭാഗം പാവകളിക്കുള്ള പാവ നിര്‍മാണത്തില്‍ പ്ലസ് വണ്‍ വിദ്യാര്‍ഥിനി ടി.ഹന, ഹൈസ്‌കൂള്‍ വിഭാഗം ഇല ക്ട്രോണിക് മത്സരത്തില്‍ എ.പി അര്‍ഷിന്‍ മുഹമ്മദ് എന്നിവരും എഗ്രേഡ് നേടി. യോഗ ത്തില്‍ പി.ടി.എ. പ്രസിഡന്റ് പി. അഹമ്മദ് സുബൈര്‍, പ്രിന്‍സിപ്പള്‍ എസ്. പ്രതീഭ, പ്രധാ നാധ്യാപകന്‍ പി. റഹ് മത്ത്, ക്രാഫ്റ്റ് അധ്യാപിക പി. ബള്‍ക്കീസ് ഇബ്രാഹീം എന്നിവര്‍ പങ്കെടുത്തു.
