മണ്ണാര്‍ക്കാട് : ചാക്കിലും ബാഗിലും നിറച്ച് കുറ്റിക്കാട്ടില്‍ ഒളിപ്പിച്ച നിലയില്‍ കണ്ടെത്തി യ 97.5 ലിറ്റര്‍ വിദേശമദ്യം എക്‌സൈസ് കസ്റ്റഡിയിലെടുത്തു. ആരെയും പിടികൂടാനാ യിട്ടില്ല. തെങ്കര ആനമൂളിയില്‍ ആദിവാസി കോളനിക്ക് എതിര്‍വശത്ത് ജലസേചന വകുപ്പിന്റെ അധീനതയിലുള്ള സ്ഥലത്ത് നിന്നാണ് മദ്യശേഖരം കണ്ടെടുത്തത്. വെ ള്ളിയാഴ്ച രാത്രി 8.15നായിരുന്നു സംഭവം. രഹസ്യവിവരത്തിന്റെ അടിസ്ഥാനത്തില്‍ എക്‌സൈസ് സര്‍ക്കിള്‍ ഓഫിസ് പ്രിവന്റീവ് ഓഫിസര്‍ സി.രാജുവിന്റെ നേതൃത്വ ത്തിലാണ് സ്ഥലത്തെത്തി മദ്യകുപ്പികള്‍ കസ്റ്റഡിയിലെടുത്തത്. രണ്ട് ബാഗുകളിലും രണ്ട് ചാക്കുകളിലുമായി ഒരു ലിറ്ററിന്റെ 45 കുപ്പികളും അരലിറ്ററിന്റെ 105 കുപ്പികളു മാണ് ഉണ്ടായിരുന്നത്. സിവില്‍ എക്‌സൈസ് ഓഫിസര്‍മാരായ കൃഷ്ണമൂര്‍ത്തി, പിന്റു എന്നിവരും പരിശോധന സംഘത്തിലുണ്ടായിരുന്നു.
