കോട്ടോപ്പാടം:എസ്.കെ.എസ്.എസ്.എഫ് തിരുവിഴാംകുന്ന് ക്ലസ്റ്ററി ന്റെ നേതൃത്വത്തില്‍ റിപ്പബ്ലിക് ദിനം ആഘോഷിച്ചു. ചേക്കു മാസ്റ്റര്‍ പതാക ഉയര്‍ത്തി. സമദ് ഫൈസി പ്രതിജ്ഞ ചൊല്ലി കൊടുത്തു. തുടര്‍ന്ന് നടന്ന സ്‌നേഹ സദസ്സ് ഹംസ ലത്തീഫി ഉദ്ഘാടനം ചെയ്തു. ക്ലസ്റ്റര്‍ പ്രസിഡന്റ് ശാഫി ഫൈസി കൊന്നാരത്ത് അധ്യക്ഷനായി. മുഖ്താര്‍ കമാലി, കുഞ്ഞുമുഹമ്മദ് മാസ്റ്റര്‍, റഫീഖ് കൊങ്ങത്ത് തുടങ്ങിയവര്‍ സംസാരിച്ചു.’ഇന്ത്യക്കാരുടെ ഇന്ത്യ’ എന്ന വിഷയത്തി ല്‍ നടത്തിയ പ്രബന്ധ രചനാ മത്സര വിജയികള്‍ക്കുള്ള സമ്മാനം ചേക്കു മാസ്റ്ററും, ഹംസ ലത്തീഫിയും നല്‍കി. മുജീബ് പടിഞ്ഞാറന്‍, ഫിറോസ് പൊള്ളക്കുന്നന്‍, കെ.ടി കുഞ്ഞു, ഫവാസ് മാളിക്കുന്ന്, ബഷീര്‍ പാറപ്പുറത്ത്, എന്‍കെ റഷീദ് തുടങ്ങിയവര്‍ സംബന്ധിച്ചു. ക്ലസ്റ്റര്‍ ജനറല്‍ സെക്രട്ടറി ഹാരിസ് മാളിക്കുന്ന് സ്വാഗതവും ഉമ്മര്‍ തിരുവിഴാംകുന്ന് നന്ദിയും പറഞ്ഞു.