തച്ചനാട്ടുകര:പായല്‍മൂടി പൊന്തക്കാട് നിറഞ്ഞ കുളം വൃത്തി യാക്കി നാട്ടുകല്‍ പാറപ്പുറം റോയല്‍ ചലഞ്ചേഴ്‌സ് ക്ലബ്ബംഗങ്ങള്‍ മാതൃകയായി.ആലിക്കല്‍,കൂളാകുറിശ്ശി,നെടുമ്പാറകളം എന്നീ കോളനികളുടെ പ്രധാന ജലസ്രോതസ്സായ കുളമാണ് റോയല്‍ ചലഞ്ചേഴ്‌സ് ക്ലബ്ബംഗങ്ങള്‍ വൃത്തിയാക്കിയത്.നെഹ്‌റു യുവകേന്ദ്ര മഹാത്മാ ഗാന്ധി സ്വച്ഛതാ മഹാ അഭിയാന്‍ ശ്രമദാന പദ്ധതിയുടെ ഭാഗമായാണ് കുളം നവീകരിച്ചത്. ഇരുപത്തിയഞ്ചോളം പേര്‍ ശ്രമദാനത്തില്‍ പങ്കാളികളായി.ക്ലബ്ബ് അംഗം കെ അര്‍ഷാദ് ഉദ്ഘാടനം ചെയ്തു. ഇര്‍ഷാദ്, ജുറൈജ്, സുഹായില്‍, ഇര്‍ഫാല്‍, സിനാല്‍ എന്നിവര്‍ നേതൃത്വം നല്‍കി.