മണ്ണാര്‍ക്കാട് : ആലപ്പുഴയില്‍ നടന്ന സംസ്ഥാന ഗണിത ശാസ്ത്രമേളയില്‍ വിവിധ ഇനങ്ങളില്‍ എഗ്രേഡ് നേടിയ കുമരംപുത്തൂര്‍ കല്ലടി ഹയര്‍ സെക്കന്‍ഡറി സ്‌കൂളിലെ വിദ്യാര്‍ഥികളെ മാനേജ്‌മെന്റ്, സ്റ്റാഫ്, പി.ടി.എ എന്നിവര്‍ ചേര്‍ന്ന് അനുമോദിച്ചു. 35 പോയിന്റ് നേടി ഗണിതശാസ്ത്രമേളയില്‍ ഹയര്‍ സെക്കന്‍ഡറി വിഭാഗത്തില്‍ സ്‌കൂള്‍ മൂന്നാം സ്ഥാനം നേടി. സ്‌കൂളിലെ നമിത കൃഷ്ണയ്ക്ക് ഗെയിംസ് വിഭാഗത്തില്‍ എ ഗ്രേഡോടെ ഒന്നാം സ്ഥാനവും പ്യുവര്‍ കണ്‍സ്ട്രക്ഷന്‍ വിഭാഗത്തില്‍ ഹിസാന എ ഗ്രേഡോടെ ഒന്നാം സ്ഥാനവും കരസ്ഥമാക്കിയിരുന്നു. നമ്പര്‍ ചാര്‍ട്ട് വിഭാഗത്തില്‍ തഷ്‌രീഫ- എ ഗ്രേഡ് , അമൃത ,കീര്‍ത്തന എന്നിവര്‍ ഗ്രൂപ്പ് പ്രൊജക്റ്റില്‍ എ ഗ്രേഡ്, യഥുനന്ദന്‍ വര്‍ക്കിങ് മോഡലില്‍ എ ഗ്രേഡും കരസ്ഥമാക്കി. കുട്ടികളെ പരിശീലിപ്പിച്ച ഗണിതാധ്യാപകനായ ജിത്തുവിനെയും ചടങ്ങില്‍ ആദരിച്ചു.
