അലനല്ലൂര്‍ : എല്‍.എസ്.എസ്. സ്‌കോളര്‍ഷിപ്പ് പരീക്ഷയ്ക്കായി വിദ്യാര്‍ഥികളെ സജ്ജരാക്കാന്‍ അലനല്ലൂര്‍ എ.എം.എല്‍.പി. സ്‌കൂളില്‍ തീവ്രപരിശീലന പരിപാടി തുടങ്ങി. മുണ്ടക്കുന്ന് എ.എല്‍.പി. സ്‌കൂള്‍ പ്രധാന അധ്യാപകന്‍ യൂസഫ് പുല്ലിക്കുന്നന്‍ ഉദ്ഘാടനം ചെയ്തു. അലനല്ലൂര്‍ എ.എം.എല്‍.പി. സ്‌കൂള്‍ പ്രധാന അധ്യാപകന്‍ കെ.എ സുദര്‍ശനകുമാര്‍ അധ്യക്ഷനായി. എല്ലാ പ്രവൃത്തി ദിവസങ്ങളിലും വൈകിട്ട് നാലു മണി മുതല്‍ 5.30 വരെയാണ് വിദ്യാര്‍ഥികള്‍ക്ക് പരിശീലനം നല്‍കുന്നതെന്ന് ഇദ്ദേഹം അറിയിച്ചു. ഇടവിട്ടുള്ള പരീക്ഷകളിലൂടെ വിദ്യാര്‍ഥികള്‍ക്ക് പഠിച്ച കാര്യങ്ങള്‍ ആവ ര്‍ത്തിക്കാനും സൗകര്യമൊരുക്കിയിട്ടുണ്ട്. വട്ടമണ്ണപ്പുറം എ.എം.എല്‍.പി. സ്‌കൂള്‍ മുന്‍ പ്രധാന അധ്യാപകന്‍ സി.ടി മുരളീധരന്‍ വിശിഷ്ടാതിഥിയായി. വി.പി ജയപ്രകാശ്, കെ.എ മുബീന തുടങ്ങിയവര്‍ സംസാരിച്ചു.
