കല്ലടിക്കോട് : കാട്ടുപന്നിയിടിച്ച് ബൈക്ക് യാത്രക്കാരനായ യുവാവിന് ഗുരുതരമായി പരിക്കേറ്റു. കരിമ്പ മൂന്നേക്കര്‍, കാഞ്ഞിരംപാറ നാമ്പുള്ളിപ്പുര വീട്ടില്‍ കെ.ആര്‍ ബവിന്‍ (36) ആണ് പരിക്കേറ്റത്. തലയ്ക്കും കാലിനുമാണ് പരിക്ക്. തിങ്കളാഴ്ച്ച രാത്രിയിലാണ് വെച്ചാണ് സംഭവം. കല്ലടിക്കോടില്‍ ഒരു ഹോട്ടലിലെ ജീവനക്കാരനാണ് ബവിന്‍. ജോലി കഴിഞ്ഞ് വീട്ടിലേക്ക് മടങ്ങുംവഴി വാക്കോട് ഭാഗത്ത് വെച്ച് കാട്ടുപന്നി ബൈക്കിന് കുറു കെ ചാടുകയായിരുന്നു. പന്നിയെ ഇടിച്ചതോടെ ബൈക്ക് നിയന്ത്രണം വിട്ട് മറിയുകയാ യിരുന്നു. പരിക്കേറ്റ ഇദ്ദേഹത്തെ നാട്ടുകാര്‍ ചേര്‍ന്ന് ഉടന്‍ കല്ലടിക്കോടുള്ള സ്വകാര്യ ആ ശുപത്രിലെത്തിച്ചു. പരിക്ക് ഗുരുതരമായതിനാല്‍ വിദഗ്ദ്ധ ചികിത്സക്കായി പാലക്കാടു ള്ള സ്വകാര്യ ആശുപത്രിയിലേക്ക് മാറ്റി. തീവ്രപരിചരണ വിഭാഗത്തില്‍ ചികിത്സയില്‍ കഴിയുന്ന ബിവിനെ തുടിക്കാട് വനസംരക്ഷണ സമിതി ഭാരവാഹികള്‍ സന്ദര്‍ശിച്ചു. വിവരങ്ങള്‍ വനംവകുപ്പിനെ ധരിപ്പിച്ചിട്ടുണ്ട്. അപകടമുണ്ടായ വാക്കോട് പ്രദേശത്ത് കാട്ടുപന്നിശല്ല്യം രൂക്ഷമാണെന്ന് നാട്ടുകാര്‍ പറയുന്നു.
