കോട്ടോപ്പാടം: ഗ്രാമ പഞ്ചായത്തും ഐ.സി.ഡി.എസ്. കോട്ടോപ്പാടവും സംയുക്തമായി സംഘടിപ്പിച്ച ലിറ്റില്‍ ഫിയസ്റ്റ 2കെ23 അങ്കണവാടി കലോത്സവം ശ്രദ്ധേയമായി. കുരു ന്നുകളുടെ സംഘഗാനം, ആംഗ്യപ്പാട്ട്, ഡാന്‍സ് തുടങ്ങീ വിവിധ കലപരിപാടികള്‍ അരങ്ങേറി.കല്ലടി അബ്ദു ഹാജി ഹയര്‍ സെക്കന്‍ഡറി സ്‌കൂളില്‍ നടന്ന കലോത്സവം മണ്ണാര്‍ക്കാട് ബ്ലോക്ക് പഞ്ചായത്ത് പ്രസിഡന്റ് വി.പ്രീത ഉദ്ഘാടനം ചെയ്തു. അങ്കണ വാടികള്‍ക്കുള്ള കളിക്കോപ്പുകളും കുട്ടികള്‍ക്കുള്ള സമ്മാനങ്ങളും വിതരണം ചെയ്തു. ഗ്രാമ പഞ്ചായത്ത് പ്രസിഡന്റ് അക്കര ജസീന അധ്യക്ഷയായി. വൈസ് പ്രസിഡന്റ് ശശികുമാര്‍, സ്ഥിരം സമിതി അധ്യക്ഷരായ പാറയില്‍ മുഹമ്മദാലി, റഫീന മുത്തനില്‍, റജീന കോഴിശ്ശേരി, മെമ്പര്‍മാരായ ഒ.ആയിഷ, കെ.ടി.അബ്ദുള്ള, റഷീദ പുളിക്കല്‍, കെ.വിനീത, ഐ.നസീമ, സി.റുബീന, പി.സരോജിനി, ഒ.ഇര്‍ഷാദ്, ഐ.സി.ഡി.എസ്. സൂപ്പര്‍വൈസര്‍ കെ.രാധിക, സി.ഡി.എസ്. ചെയര്‍പേഴ്‌സണ്‍ എ.ദീപ, പ്രധാന അധ്യാപകന്‍ പി.ശ്രീധരന്‍ തുടങ്ങിയവര്‍ സംസാരിച്ചു.
