അലനല്ലൂര്‍ : വട്ടമണ്ണപ്പുറം കുറുക്കന്‍കുണ്ടില്‍ വീട്ടുവളപ്പിലെ കിണറിലകപ്പെട്ട ആട്ടി ന്‍കുട്ടിയെ അഗ്നിരക്ഷാസേന പുറത്തെടുത്തു. എടപ്പറ്റ പഞ്ചായത്തിലെ വട്ടമണ്ണപ്പുറം ഖദീജയുടെ വീട്ടുവളപ്പിലെ കിണറിലാണ് ആട്ടിന്‍കുട്ടി അകപ്പെട്ടത്. സമീപവാസിയും സിവില്‍ ഡിഫന്‍സ് പ്രവര്‍ത്തകയുമായ റെജീന വിവരം നല്‍കിയതിനെ തുടര്‍ന്ന് സീനിയര്‍ ഫയര്‍ ആന്‍ഡ്് റെസ്‌ക്യൂ ഓഫീസര്‍ ടി. ജയരാജന്റെ നേതൃത്വത്തില്‍ ടി.കെ. അന്‍സല്‍ ബാബു, ആര്‍. രാഹുല്‍, ജി. അജീഷ്, എം. രമേഷ് എന്നിവര്‍ സ്ഥലത്തെത്തി. വലയുപയോഗിച്ചുള്ള രക്ഷാപ്രവര്‍ത്തനം വിഫലമായതോടെ സേനാംഗം രമേഷ് നാല്‍പ്പത് അടിയോളം താഴ്ചയുള്ള കിണറിലിറങ്ങുകയായിരുന്നു.തുടര്‍ന്ന് ആട്ടിന്‍കു ട്ടിയെ വലയ്ക്കകത്താക്കി മുകളിലേക്കെത്തിച്ചു. കിണറില്‍ ആവശ്യത്തിന് വെള്ളമു ണ്ടായിരുന്നതിനാല്‍ ആട്ടിന്‍കുട്ടിയ്ക്ക് വീഴ്ചയില്‍ പരിക്കുകളേറ്റില്ല.
