അട്ടപ്പാടി:പത്തിരിപ്പാല മൗണ്ട് സീന പബ്ലിക് സ്‌കൂള്‍ വിദ്യാര്‍ത്ഥികള്‍ അട്ടപ്പാടിയിലെ ഗോത്ര വര്‍ഗ സ്‌കൂളുകളിലെ വിദ്യാര്‍ത്ഥികള്‍ക്ക് പഠനോപകരണങ്ങള്‍ എത്തിച്ച് നല്‍കി. സ്‌നേഹ സ്പര്‍ശം പദ്ധതിയുടെ ഭാഗമായി അധ്യാപകരുടെയും വിദ്യാര്‍ത്ഥികളുടെയും ശ്രമഫലമായി സ്വരൂപിച്ച 38 ഇനം സാധനങ്ങളുമായാണ് സംഘം അട്ടപ്പാടിയില്‍ എത്തിയത്. പദ്ധതിയെ എംഎല്‍എ എന്‍ ഷംസുദ്ദീനും ജില്ലാ പഞ്ചായത്ത് പ്രസിഡന്റ് ശാന്തകുമാരിയും അഭിനന്ദിച്ചു. ക്ലബ്ബ് കണ്‍വീനര്‍ ശ്രീജ ടീച്ചര്‍, അബുല്‍ ഹസന്‍, രതീഷ്, ഹസീല തുടങ്ങിയവര്‍ നേതൃത്വം നല്‍കി.