കോട്ടോപ്പാടം: ഭീമനാട് വെള്ളിലകുന്ന് ഭഗവതി ക്ഷേത്രത്തില്‍ താലപ്പൊലി മഹോത്സവം ആഘോഷിച്ചു.രാവിലെ ഗണപതി ഹോമം,താലപ്പൊലി കൊട്ടിയറിയിക്കല്‍,താന്ത്രിക പൂജകള്‍ എന്നി വ നടന്നു.ആലിന്‍ചുവട്ടില്‍ എത്തി അരിയേറ് ചടങ്ങ് നടത്തി. വെളി ച്ചപ്പാടും,ചെണ്ടയും പൂതനും അകമ്പടിയായി.പൂജാകര്‍മ്മങ്ങള്‍ക്ക് ക്ഷേത്രം തന്ത്രി പന്തലക്കോട് സജി നമ്പൂതിരി കാര്‍മ്മികത്വം വഹിച്ചു.കോവിഡ് പശ്ചാത്തലത്തില്‍ ആഘോഷങ്ങള്‍ ചടങ്ങുക ളില്‍ ഒതുങ്ങി.ക്ഷേത്രത്തില്‍ നടന്ന് വന്ന ഭക്തരുടെ വഴിപാടായുള്ള കളംപാട്ടിന്റെ സമാപനമായിട്ടാണ് താലപ്പൊലി ആഘോഷം. വള്ളു വനാടന്‍ ക്ഷേത്രോത്സവങ്ങള്‍ത്ത് നാന്ദി കുറിച്ച് കൊണ്ടാണ് ഭീമനാട് വെള്ളിലക്കുന്ന് ഭഗവതി ക്ഷേത്രത്തില്‍ താലപ്പൊലി ആഘോഷി ക്കാറ്.
