കോട്ടോപ്പാടം : കുണ്ട്‌ലക്കാട് സൗപര്‍ണിക കൂട്ടായ്മയും കോട്ടോപ്പാടം കല്ലടി അബ്ദു ഹാജി ഹയര്‍ സെക്കന്‍ഡറി സ്‌കൂള്‍ എന്‍.എസ്.എസ്. യൂനിറ്റും സംയുക്തമായി എടത്തനാട്ടുകര പാലിയേറ്റീവ് കെയര്‍ സൊസൈറ്റിയ്ക്കായുള്ള ധനശേഖരണാര്‍ത്ഥം നടത്തുന്ന നൂറ് രൂപാ ചലഞ്ച് തുടങ്ങി. തിരുവിഴാംകുന്ന് സി.പി.എ.യു.പി. സ്‌കൂളില്‍ നടന്ന ചടങ്ങ് അലനല്ലൂര്‍ പഞ്ചായത്ത് പ്രസിഡന്റ് സജ്‌ന സത്താര്‍ ഉദ്ഘാടനം ചെയ്തു. സൗപര്‍ണിക പ്രസിഡന്റ് മുഹമ്മദലി പറമ്പത്ത് അധ്യക്ഷനായി. ബ്ലോക്ക് പഞ്ചായത്ത് അംഗം മണികണ്ഠന്‍ വടശ്ശേരി, പ്രിന്‍സിപ്പാല്‍ എം.പി.സാദിഖ്, കൂട്ടായ്മ രക്ഷാധികാരി കളായ എ.അസൈനാര്‍ മാസ്റ്റര്‍, സജി ജനത, സെക്രട്ടറി പി.എം.മുസ്തഫ, ഹമീദ് കൊമ്പ ത്ത്, പി.ഗോപി, നാസര്‍ പുറ്റാനി, സി.രാജന്‍, പാലിയേറ്റീവ് കെയര്‍ പ്രതിനിധി വി.പി. റഹീസ്, എന്‍.എസ്.എസ്. പ്രോഗ്രാം ഓഫിസര്‍ എന്‍.ഹബീബ് റഹ്മാന്‍, ടി.എം. അയ്യപ്പ ദാസ്, കെ.പി.നൗഫല്‍, ഫസീല അബ്ബാസ്, ജി.ദിവ്യ തുടങ്ങിയവര്‍ സംസാരിച്ചു. ജീവ കാരുണ്യ പ്രവര്‍ത്തനങ്ങളില്‍ യുവജന, വിദ്യാര്‍ഥി പങ്കാളിത്തം ഉറപ്പാക്കുകയെന്ന ലക്ഷ്യത്തോടെയാണ് പുതുവര്‍ഷത്തില്‍ കാംപയിന്‍ നടത്തുന്നത്. തുക പാലിയേറ്റീവ് ദിനമായ ജനുവരി 15ന് കോട്ടോപ്പാടം സ്‌കൂളില്‍ നടക്കുന്ന ചടങ്ങില്‍ വെച്ച് കൈ മാറുമെന്ന് ഭാരവാഹികള്‍ അറിയിച്ചു.
