എടത്തനാട്ടുകര:മുണ്ടക്കുന്ന് ജനകീയ സമിതി നാലാമത് ഗ്രാമോത്സവം നാളെ മുണ്ടക്കുന്ന് എഎല്‍പി സ്‌കൂളില്‍ നടക്കും. അഡ്വ.എന്‍.ഷംസുദ്ദീന്‍ എംഎല്‍എ ഉദ്ഘാടനം ചെയ്യും.സ്വാഗത സംഘം ചെയര്‍മാന്‍ ഇ.സുകുമാരന്‍ മാസ്റ്റര്‍ അധ്യക്ഷത വഹിക്കും. എഡിഎം ടി വിജയന്‍ മുഖ്യാതിഥിയായിരിക്കും. ചടങ്ങില്‍ എസ്എസ്എല്‍സി പ്ലസ്ടു പരീക്ഷകളില്‍ സമ്പൂര്‍ണ്ണ എ പ്ലസ് നേടിയ വിദ്യാര്‍ത്ഥികളെയും എല്‍എസ്എസ്,യുഎസ്എസ്‌ എന്‍എംഎംഎസ് നേടിയ വിദ്യാര്‍ത്ഥികളെയും അനുമോദിക്കും. മികച്ച വാര്‍ത്താ ഗ്രൂപ്പായ ഓണ്‍ലൈന്‍ മുണ്ടക്കുന്ന ഗ്രൂപ്പ് അഡ്മിനെ ആദരിക്കും. മണ്ണാര്‍ക്കാട് ബ്ലോക്ക് പഞ്ചായത്ത് പ്രസിഡന്റ് ഒ.പി.ഷെരീഫ്, സര്‍ക്കിള്‍ ഇന്‍സ്‌പെക്ടര്‍ എം.കെ.സജീവ്, ഡെപ്യൂട്ടി ഡയറക്ടര്‍ എ.അബൂബക്കര്‍,ബ്ലോക്ക് പഞ്ചായത്ത് വൈസ് പ്രസിഡന്റ് പി.റഫീഖ, ജില്ലാ പഞ്ചായത്തംഗം എം.ജിനേഷ് തുടങ്ങിയവര്‍ക്കൊപ്പം മറ്റ് രാഷ്ട്രീയ സാംസ്‌കാരിക രംഗത്തെ നേതാക്കള്‍ പങ്കെടുക്കും. കലാപരിപാടികളും അരങ്ങേറും.