മണ്ണാര്‍ക്കാട്:മുസ്ലീം യൂത്ത് ലീഗ് ജില്ലാ സമ്മേളന സ്വാഗത സംഘം രൂപീകരണ യോഗം എട്ടിന് ചൊവ്വാഴ്ച വൈകീട്ട് നാല് മണിക്ക് കുമരംപുത്തൂര്‍ ചുങ്കം എഎസ് ഓഡിറ്റോറിയത്തില്‍ ചേരും.യൂത്ത് ലീഗ് ജില്ലാ പ്രവര്‍ത്തക സമിതി അംഗങ്ങള്‍ക്ക് പുറമേ മുസ്ലീം ലീഗ്,എംഎസ്എസ്എഫ്,എസ്ടിയു,വനിതാ ലീഗ്, കര്‍ഷക സംഘം, പ്രവാസി ലീഗ്,കെഎസ്ടിയു,കെഎംസിസി ജില്ലാ ഭാരവാഹികളും മണ്ണാര്‍ക്കാട്,കോങ്ങാട് നിയോജക മണ്ഡലങ്ങളിലേയും ഒറ്റപ്പാലം മണ്ഡലത്തിലെ കരിമ്പുഴ,തച്ചനാട്ടുകര പഞ്ചായത്തുകളിലേയും ജില്ലാ പ്രവര്‍ത്തക സമിതി അംഗങ്ങള്‍ മണ്ഡലം ഭാരവാഹികള്‍, മണ്ണാര്‍ക്കാട് മണ്ഡലം പ്രവര്‍ത്തക സമിതി അംഗങ്ങള്‍ എന്നിവരും യോഗത്തില്‍ പങ്കെടുക്കണമെന്ന് ജില്ലാ മുസ്ലീം ലീഗ് പ്രസിഡന്റ് കളത്തില്‍ അബ്ദുള്ള,ജനറല്‍ സെക്രട്ടറി മരക്കാര്‍ മാരായമംഗലം, ജില്ലാ യൂത്ത് ലീഗ് പ്രസിഡന്റ് സിഎ സാജിത്,ജനറല്‍ സെക്രട്ടറി ഗഫൂര്‍ കോല്‍ക്കളത്തില്‍ എന്നിവര്‍ അറിയിച്ചു.നവംബര്‍ 22 മുതല്‍ 24 വരെ മണ്ണാര്‍ക്കാട് വെച്ചാണ് യൂത്ത് ലീഗ് ജില്ലാ സമ്മേളനം നടക്കുന്നത്.