കല്ലടിക്കോട് : ദേശീയപാതയില്‍ ചെറിയ പനയമ്പാടത്ത് നിയന്ത്രണം വിട്ട പിക്കപ്പ് വാന്‍ കലുങ്കിന്റെ ഭിത്തിയിലിടിച്ചു. വാഹനത്തിലുണ്ടായിരുന്ന രണ്ട് പേര്‍ക്ക് പരിക്കേറ്റു. ഇന്ന് പുലര്‍ച്ചെ ഒരു് മണിയോടെയായിരുന്നു അപകടം. മണ്ണാര്‍ക്കാട് ഭാഗത്ത് നിന്നും പാലക്കാട് ഭാഗത്തേക്ക് പോവുകയായിരുന്നു പിക്കപ്പ് വാന്‍. ഈ സമയം മഴയുണ്ടായി രുന്നു. നിന്ത്രണം വിട്ട വാഹനം കലുങ്കിന്റെ ഭിത്തിയിലിടിക്കുകയും വാഹനത്തിന്റെ മുന്‍വശം തകരുകയും ചെയ്തു. രണ്ട് പേരുടെയും പരിക്ക് സാരമുള്ളതല്ലെന്ന് അറിയുന്നു. ഇവര്‍ ജില്ലാ ആശുപത്രിയിലാണ് ചികിത്സ തേടിയത്.
