മണ്ണാര്‍ക്കാട് : പിറകോട്ടെടുക്കുന്നതിനിടെ നിയന്ത്രണം തെറ്റി സ്വകാര്യ ബസ് വ്യാപാ രസ്ഥാപനത്തിലിടിച്ചു. ആളപായമില്ല. മണ്ണാര്‍ക്കാട് നഗരത്തില്‍ ധര്‍മര്‍കോവിലിന് സമീപം ഇന്നലെ രാവിലെ 11.30ഓടെയായിരുന്നു സംഭവം. എലുമ്പുലാശ്ശേരി – കൂട്ടില ക്കടവ് റൂട്ടിലോടുന്ന എന്‍.എം.ബ്രദേഴ്‌സ് എന്ന സ്വകാര്യ ബസാണ് അപകടത്തില്‍പെ ട്ടത്. യാത്രക്കാരുമായി കൂട്ടിലക്കടവ് ഭാഗത്തേക്ക് പോവുകയായിരുന്ന ബസ് പൊടുന്ന നെ നിന്നുപോവുകയായിരുന്നു. ഇതേ തുടര്‍ന്ന് ബസ് നിര്‍ത്തി യാത്രക്കാരെ ഇറക്കിയ ശേഷം വാഹനം പിറകോട്ട് എടുക്കന്നതിനിടെയാണ് നിയന്ത്രണം വിട്ട് ധര്‍മര്‍കോവി ലിന് സമീപത്തെ എന്‍.ആര്‍.സുരേഷിന്റെ ഉടമസ്ഥതയിലുള്ള കുളിര്‍മ ബേക്കറിയുടെ ഭിത്തിയിലിടിച്ചത്. സണ്‍ഷെയ്ഡ്, ബോര്‍ഡ് എന്നിവയും ബസിന്റെ പിന്‍വശത്തെ ഗ്ലാസും തകര്‍ന്നു. വ്യാപാര സ്ഥാപനത്തിന് സംഭവിച്ച കേടുപാടുകള്‍ക്ക് നഷ്ടപരിഹാരം നല്‍ കുമെന്നും സംഭവം പൊലിസിലും അറിയിച്ചിട്ടുണ്ടെന്നും സ്ഥലം സന്ദര്‍ശിച്ച ബസ് ഓപ്പറേറ്റേഴ്‌സ് അസോസിയേഷന്‍ ഭാരവാഹികള്‍ അറിയിച്ചു.
