കുമരംപുത്തൂര്‍: കുമരംപുത്തൂര്‍ ഗ്രാമപഞ്ചായത്തില്‍ കേരളോത്സവത്തിന് ക്രക്കറ്റ് മത്സരത്തോടെ തുടക്കമായി. ഗ്രാമപഞ്ചായത്ത് പ്രസിഡന്റ് ഹുസൈന്‍കോളശ്ശേരി ഉദ്ഘാടനം ചെയ്തു. വൈസ് പ്രസിഡന്റ് പി. ഉഷ അധ്യക്ഷയായി.സ്ഥിരം സമിതി ചെയര്‍മാന്‍ കെ.പി ഹംസ,പഞ്ചായത്തംഗങ്ങളായ അര്‍സല്‍ എരേരത്ത്, കെ.പി റംല, ജംഷീല ഉസ്മാന്‍, രുഗ്മിണി കുഞ്ചീരത്ത്, യൂത്ത്‌കോര്‍ഡിനേറ്റര്‍ മുജീബ് മല്ലിയില്‍, അബു വറോടന്‍, ശിഹാബ് നമ്പിയത്ത്, ഷാനു അരിയൂര്‍, ഷനൂബ്,അഷറഫ് തുടങ്ങിയവര്‍ പങ്കെടുത്തു.കേരളോത്സവത്തില്‍ വോളിബോള്‍- മത്സരം 23 ന് ഉച്ചക്ക് രണ്ട് മണിക്ക് നെച്ചുള്ളി പി.ആര്‍.എസ്.സി ഗ്രൗണ്ട്, വടംവലി മത്സരം 25 ന് ഉച്ചക്ക് 2 മണിക്ക് പള്ളിക്കുന്ന് പഞ്ചായത്ത് ഗ്രൗണ്ട്, ഷട്ടില്‍ ബാഡ്മിന്റണ്‍ 25 ന് വൈകുന്നേരം 6 മണിക്ക് കുമരംപുത്തൂര്‍ പ്രവീണ്‍ ചാക്കോ അക്കാദമി ഇന്‍ഡോര്‍ സ്റ്റേഡിയം, ഫുട്‌ബോള്‍ മത്സരം 26ന് രാവിലെ 9 ന് എം.ഇ.എസ് കല്ലടി കോളജ് ഗ്രൗണ്ട്, അത് ലറ്റിക്‌സ്, കബഡി മത്സരങ്ങള്‍ 27 ന് രാവിലെ 9.ന് എം.ഇ.എസ് കല്ലടി കോളജ് ഗ്രൗണ്ട് എന്നിവിടങ്ങളിലായി നടക്കും. നവംമ്പര്‍- മൂന്നിന് രാവിലെ 9 ന് കലോത്സവം കുമരംപുത്തൂര്‍ എ.യു.പി സ്‌കൂളിലും നടക്കും. തുടര്‍ന്ന് കേരളോത്സവത്തിന്‌സമാപനം കുറിക്കും.