തച്ചനാട്ടുകര: തച്ചനാട്ടുകര ഗ്രാമ പഞ്ചായത്തിന്റെ സമഗ്ര വിദ്യാഭ്യാസ പദ്ധതിയുടെ ഭാഗമായി വാര്‍ഷിക പദ്ധതിയില്‍ ഉള്‍പ്പെടുത്തി പ്രീപ്രൈമറി ഫെസ്റ്റ് സംഘടിപ്പിച്ചു. ചെത്തല്ലൂര്‍ എന്‍.എന്‍.എം. യു.പി സ്‌കൂളില്‍ നടന്ന പരിപാടിയില്‍ പഞ്ചായത്തിലെ വിവിധ വിദ്യാലയങ്ങളില്‍ നിന്നായി മുന്നൂറോളം കുട്ടികള്‍ പങ്കെടുത്തു.ഗ്രാമ പഞ്ചാ യത്ത് പ്രസിഡന്റ് കെ.പി.എം സലീം ഉദ്ഘാടനം ചെയ്തു. വൈസ് പ്രസിഡന്റ് ബീന മുരളി അധ്യക്ഷയായി. ജനപ്രതിനിധികളായ സി.പി സുബൈര്‍, പി മന്‍സൂറലി, പി. രാധാകൃഷ്ണന്‍, കെ.പി.ഇല്യാസ്, പാര്‍വ്വതി ഹരിദാസ്, പി.എം.ബിന്ദു, പിടിഎ പ്രസിഡന്റ് കെ.അബ്ദുല്‍ കബീര്‍, ഇ.കെ.റഷീദ്, എന്നിവര്‍ സംസാരിച്ചു. പ്രാധാനാധ്യാപകരായ പി.ഉണ്ണികൃഷ്ണന്‍, കെ.രാധാകൃഷ്ണന്‍, പി.ദീപ, അധ്യാപകരായ എ.എം.വിപിന്‍, ഇ.കെ. അസ്‌കര്‍, കൃഷ്ണ പ്രസാദ് തുടങ്ങിയവര്‍ പങ്കെടുത്തു.
