മണ്ണാര്‍ക്കാട് : പ്രവാചകന്‍ മുഹമ്മദ് നബിയുടെ 1494ാം ജന്മദിനത്തിന് സ്വാഗതമോതി ഇശാഅത്തുസ്സുന്നഃ ദര്‍സ് വിദ്യാര്‍ത്ഥികള്‍ കോട്ടോ പ്പാടത്ത് നടത്തിയ ‘റബീഅ് വിളംബര റാലി’ ശ്രദ്ധേയമായി. ഉസ്താദ് സൈനുദ്ദീന്‍ കാമില്‍ സഖാഫിയുടെ പ്രാര്‍ത്ഥനയോടെയാണ് റാലി ആരംഭിച്ചത്. കൂമഞ്ചേരിക്കുന്ന്, സ്‌കൂള്‍ പടി, ആര്യമ്പാവ് റോഡ് തുടങ്ങിയ സ്ഥലങ്ങളില്‍ റാലിക്ക് സ്വീകരണം നല്‍കി. സയ്യിദ് മുഹമ്മദ് താസീന്‍ തങ്ങള്‍, അബ്ദുറഹ്മാന്‍ സഖാഫി ചങ്ങലീരി, അന്‍സറുദ്ദീന്‍ ഖുതുബി കാരക്കാട്, അബ്ദുലത്തീഫ് അഹ്‌സനി ആട്ടീരി, അബ്ദുറഹീം സഖാഫി ആലപ്പുഴ, ഇസ്ഹാഖ് സഖാഫി താനൂര്‍, മന്‍സൂര്‍ അഹ്‌സനി കോഴിച്ചെന, അയ്യൂബ് മിസ്ബാഹി താനൂര്‍ തുടങ്ങിയവര്‍ റാലിയില്‍ സംബന്ധിച്ചു.