മണ്ണാര്‍ക്കാട്:സംസ്ഥാന സര്‍ക്കാരിന്റെ നേതൃത്വത്തില്‍ യു.പി, ഹൈസ്‌കൂള്‍ തലങ്ങളില്‍ ഒന്നാം ഭാഷ ഉര്‍ദു പഠിക്കുന്ന വിദ്യാര്‍ ത്ഥികള്‍ക്കായി നടത്തുന്ന ഉര്‍ദു ടാലന്റ് ടെസ്റ്റ് മണ്ണാര്‍ക്കാട് ഗവ.യു പി സ്‌കൂള്‍ ഓഡിറ്റോറിയത്തില്‍ നടന്നു. ഉപജില്ല വിദ്യഭ്യാസ ഓഫിസര്‍ ഒ. ജി. അനില്‍കുമാര്‍ ഉദ്ഘാടനം ചെയ്തു.കെയുടിഎ മണ്ണാര്‍ക്കാട് സബ്ജില്ല പ്രസിഡന്റ് കെ ഹംസ മാസ്റ്റര്‍ അദ്യക്ഷത വഹിച്ചു. കെയുടിഎ സംസ്ഥാന ജോയിന്റ് സെക്രട്ടറി സി ഹനീഫ മാസ്റ്റര്‍, ജില്ലാ ട്രഷറര്‍ പി ഹംസ മാസ്റ്റര്‍, വിദ്യഭ്യാസ ജില്ലാ സെക്രട്ടറി കെ ഇബ്രാഹിം മാസ്റ്റര്‍, സിസ്റ്റര്‍ ബെന്‍സി, ലളിത ടീച്ചര്‍, അബ്ദുള്ള, തുടങ്ങിയവര്‍ സംസാരിച്ചു.സബ്ജില്ലയിലെ വിവിധ സ്‌കൂളുകളില്‍ നിന്നായി ഇരുനൂറോളം കുട്ടികള്‍ ടെസ്റ്റില്‍ പങ്കെടുത്തു. വിജയികള്‍ക്ക് വിദ്യഭ്യാസ ജില്ലാ ഓഫീസര്‍ അബ്ദുല്‍ മജീദ് സമ്മാനങ്ങള്‍ വിതരണം ചെയ്തു. സബ്ജില്ല സെക്രട്ടറി കെ നൗഫല്‍ മാസ്റ്റര്‍ സ്വാഗതവും അക്കാദമിക് സെക്രട്ടറി കെ മുസ്തഫ മാസ്റ്റര്‍ നന്ദിയും പറഞ്ഞു.