മഞ്ചേശ്വരം:കാസര്‍ഗോഡ് മഞ്ചേശ്വരം ഉപതെരഞ്ഞെടുപ്പില്‍ യുഡിഎഫിന്റെ പ്രചാരണ പ്രവര്‍ത്തനങ്ങളില്‍ സജീവമായി മണ്ണാര്‍ക്കാട് എംഎല്‍എ അഡ്വ.എന്‍ ഷംസുദ്ദീന്‍.യുഡിഎഫ് സ്ഥാനാര്‍ത്ഥി എംസി ഖമറുദ്ദീന്റെ പോസ്റ്ററുകള്‍ പതിക്കാന്‍ പ്രവര്‍ത്തകരോടൊപ്പം എംഎല്‍എയും പങ്ക് ചേര്‍ന്നു.ഇത് പ്രവര്‍ത്തകര്‍ക്ക് ആവേശം പകര്‍ന്നു. വോട്ടെടുപ്പിന് ദിവസങ്ങള്‍ അവശേഷിക്കെ മുന്നണി സ്ഥാനാര്‍ത്ഥികളുടെ പ്രചരണം മുന്നേറുകയാണ്.എല്‍ഡിഎഫ് സ്ഥാനാര്‍ത്ഥിയായി ശങ്കര്‍റൈയും എന്‍ഡിഎ സ്ഥാനാര്‍ത്ഥിയായി രവീശ തന്ത്രി കുണ്ടാറുമാണ് ജനവിധി തേടുന്നത്.