മണ്ണാര്‍ക്കാട്: കാലിക്കറ്റ് സര്‍വകലാശാലാ സി-സോണ്‍ ഫുട്‌ബോള്‍ ജേതാക്കളായ എം.ഇ.എസ് കല്ലടി കോളേജ് ടീമിന് വിദ്യാര്‍ത്ഥി യൂണിയന്റ്റെ നേതൃത്വത്തില്‍ കോളേജില്‍ വെച്ച് സ്വീകരണം നല്‍കി. ജില്ലയിലെ അമ്പതോളം കോളേജുകള്‍ മാറ്റുരച്ച ഫുട്‌ബോള്‍ മത്സരത്തിലാണ് കല്ലടി കോളേജ് ടീം ജേതാക്കളായത്. പാലക്കാട് വിക്ടോറിയ കോളേജില്‍ വെച്ച് നടന്ന ഫൈനല്‍ മത്സരത്തില്‍ ശ്രീകൃഷ്ണപുരം വി.ടി.ബി കോളേജിനെ ഒന്നിനെതിരെ രണ്ട് ഗോളു കള്‍ക്കാണ് കല്ലടി കോളേജ് ടീം പരാജയപ്പെടുത്തിയത്. ക്യാപ്റ്റന്‍ ജസീലിന്റെ നേതൃത്വത്തിലുള്ള ടീമംഗങ്ങള്‍ക്ക് യൂണിയന്‍ ചെയര്‍മാന്‍ അജ്മല്‍ മുഹമ്മദ് പി.ഹാരാര്‍പ്പണം നടത്തി. സ്റ്റാഫ് അഡൈ്വസര്‍ ഡോ.ടി. സൈനുല്‍ ആബിദ്,കായിക അധ്യാപക രായ മൊയ്തീന്‍ ഒ.എ, സലീജ് കെ.ടി, അധ്യാപകരായ ഡോ.ഫൈ സല്‍ ബാബു, മുഹമ്മദലി. പി,യൂണിയന്‍ ഭാരവാഹി കളായ ഫാഇസ് എസ്.ജെ, മുഹമ്മദ് ജുനൈദ്. കെ, സുഹൈല്‍ സി.പി ,മെഹ്ജൂബ റിസ്‌നി,ഫവാസ് അംബാസ് എന്നിവര്‍ സംബന്ധിച്ചു.