പാലക്കാട്: ചലച്ചിത്ര മേളയിൽ പങ്കെടുക്കുന്നവര്‍ക്കുള്ള കോവിഡ് ആന്‍റിജന്‍ ടെസ്റ്റ് നാളെയും (തിങ്കൾ ) തുടരും. രാവിലെ 10 മുതൽ വൈകിട്ട് 4 വരെ കാരയ്ക്കാട് എൻജിഒ യൂണിയൻ ഹാളിലെ നാല് കൗണ്ടറുകളിലായാണ് ടെസ്റ്റ് നടത്തുന്നത്. 500 ലധികം പ്രതിനിധി കൾക്കാണ് രണ്ടു ദിവസങ്ങളിലായി ഇവിടെ ആന്റിജൻ ടെസ്റ്റ് നടത്തിയത്.
വിദ്യാർഥികൾ ഉൾപ്പടെ എല്ലാ വിഭാഗത്തിലുമുള്ള പ്രതിനിധികൾ ക്കും കാരയ്ക്കാട് എൻജിഒ ഹാളിലെ കൗണ്ടറുകളിൽ ആന്റിജൻ ടെസ്റ്റ് നടത്താവുന്നതാണ് .മുതിർന്നവർക്കും ഭിന്നശേഷിക്കാർക്കും ടെസ്റ്റിന് പ്രത്യേക സൗകര്യം ഏർപ്പെടുത്തിയിട്ടുണ്ട്
ഡോക്ടർ രോഹിത്തിന്റെ നേതൃത്വത്തിലുള്ള പത്തംഗ സംഘമാണ് കോവിഡ് പരിശോധന നടത്തുന്നത്. ലാബുകളിലും ആശുപത്രികളി ലുമുള്ള കോവിഡ് നെഗറ്റിവ്‌ സർട്ടിഫിക്കറ്റ് (മേള ആരംഭിക്കുന്ന തി നും 48 മണിക്കൂറിനുള്ളിൽ ടെസ്റ്റ് നടത്തിയത് ) ഹാജരാക്കുന്നവർ ക്കും മേളയിൽ പങ്കെടുക്കാൻ അവസരം നൽകും
