്അലനല്ലൂര്‍ : എടത്തനാട്ടുകര ഗവ. ഓറിയന്റല്‍ ഹയര്‍ സെക്കന്‍ഡറി സ്‌കുളില്‍ വി വിധ നിര്‍മാണ പ്രവര്‍ത്തനങ്ങള്‍ക്ക് ഫണ്ട് സമാഹരണത്തിന് കൂപ്പണ്‍ ചലഞ്ചുമായി പി.ടി.എ. കമ്മറ്റി.കോട്ടപ്പള്ള സ്‌കൂള്‍ മൈതാനിയില്‍ നടന്ന ചടങ്ങില്‍ വെച്ച് ബോബി ചെമ്മണ്ണൂര്‍ പദ്ധതി ഉദ്ഘാടനം ചെയ്തു. പി.ടി.എ. പ്രസിഡന്റ് പി. അഹമ്മദ് സുബൈര്‍ അധ്യക്ഷനായി. പി.ടി.എ., എസ്.എം.സി, എം.പി.ടി.എ. ഭാരവാഹികളായ അബ്ദുല്‍ സലാം പടുകുണ്ടില്‍, മെഹഫൂസ് റഹീം മറ്റത്തൂര്‍, അയ്യപ്പന്‍ കുറുപാടത്ത്, അലി വെള്ളേങ്ങര, കെ. ധര്‍മപ്രസാദ്, പ്രജീഷ് പൂളക്കല്‍, ടി.പി. സൈനബ, റഫീഖ പാറോക്കോട്ട്, അനില്‍ ബാബു എന്നിവര്‍ പങ്കെടുത്തു. സ്‌കൂള്‍ ലൈബ്രറി, ചരിത്ര മ്യൂസിയം, നിലവിലെ പഴക്കം ചെന്ന സ്റ്റേജിന് പകരം ആധുനിക സൗകര്യങ്ങളോടുകൂടിയ സ്റ്റേജ് നിര്‍മിക്കുക, ഭീമമായ കറണ്ട് ചാര്‍ജ് മറികടക്കാന്‍ സോളാര്‍ പാനല്‍ സ്ഥാപിക്കുക, സ്‌കൂള്‍ മുറ്റം നവീകരി ക്കുക, തുടങ്ങിയവക്ക് ഫണ്ട് കണ്ടെത്തുന്നതിനാണ് കൂപ്പണ്‍ ചലഞ്ച് സംഘടി പ്പിക്കുന്നത്.
