മലമ്പുഴ : കേരളത്തിന്റെ സാംസ്‌കാരിക പൈതൃകം പ്രതിഫലി പ്പിക്കുന്ന ‘ഉത്സവം 2020’ ന് മലമ്പുഴയിൽ തുടക്കമായി. മലമ്പുഴ ഉദ്യാനത്തിന്റെ പ്രധാന കവാടത്തിനു സമീപം നടന്ന പരിപാടി ജില്ലാ പഞ്ചായത്ത് പ്രസിഡണ്ട് അഡ്വ. കെ ശാന്തകുമാരി ഉദ്ഘാടനം ചെയ്തു. മലമ്പുഴ ഗ്രാമപഞ്ചായത്ത് പ്രസിഡന്റ് ഇന്ദിര രാമചന്ദ്രന്‍ അധ്യക്ഷയായി. ടൂറിസം വകുപ്പ്, ജില്ലാ ടൂറിസം പ്രമോഷന്‍ കൗണ്‍സില്‍, ജലവിഭവവകുപ്പ് എന്നിവരുടെ നേതൃത്വത്തിലാണ് പരിപാടി സംഘടിപ്പിക്കുന്നത്. ഡിടിപിസി സെക്രട്ടറി ടി. അജേഷ്, ഡി ടി പി സി നിര്‍വാഹക സമിതി അംഗങ്ങള്‍, വിവിധ രാഷ്ട്രീയ പാര്‍ട്ടി പ്രതിനിധികള്‍, ജനപ്രതിനിധികള്‍ പരിപാടിയില്‍ പങ്കെടുത്തു.തുടർന്ന് തോൽപ്പാവക്കൂത്തും കഥാപ്രസംഗവും അരങ്ങേറി. ഫെബ്രുവരി 28 വരെ ദിവസവും വൈകിട്ട്ആറിനാണ് കലാപരിപാടികള്‍ നടക്കുന്നത്.