പാലക്കാട്:മലയാള സിനിമയിലെ നവ ഭാവുകത്വത്തിന് പിന്നില്‍ കേരളാ രാജ്യാന്തര ചലച്ചിത്രമേളയുടെ സ്വാധീനം വലുതാണെന്ന് സംവിധായകന്‍ ലാല്‍ ജോസ് . പുതിയ തലമുറയ്ക്ക് ലോകത്തിന്റെ മാറ്റങ്ങള്‍ ഉള്‍ക്കൊണ്ടു സിനിമ ചെയ്യാനുള്ള ആത്മ വിശ്വാസമാണ് മേള പകര്‍ന്നു നല്‍കുന്നതെന്നും അദ്ദേഹം പറഞ്ഞു . ചലച്ചിത്ര മേള യുടെ 25 വര്‍ഷത്തെ ബൃഹത് ചരിത്രം പരിചയപ്പെടുത്തുന്ന ഫോട്ടോ പ്രദര്‍ശനം ഉദ്ഘാടനം ചെയ്യുകയായിരുന്നു അദ്ദേഹം.
അക്കാദമി ചെയര്‍മാന്‍ കമല്‍ സെക്രട്ടറി അജോയ് ചന്ദ്രന്‍ , വൈസ് ചെയര്‍ പേഴ്സണ്‍ ബീന പോള്‍ ,എക്‌സിക്യൂട്ടീവ് അംഗം സിബി മലയി ല്‍, ജനറല്‍ കണ്‍വീനര്‍ ടി.ആര്‍. അജയന്‍ തുടങ്ങിയവര്‍ പങ്കെടു ത്തു. അക്കാദമി വൈസ് ചെയര്‍പെഴ്‌സ്ന്‍ ബീന പോളും, അക്കാദമി ജനറല്‍ കൗണ്‍സില്‍ അംഗം സജിത മഠത്തില്‍ ,ജോജി എന്നിവര്‍ ഉള്‍പ്പെടുന്ന സംഘമാണ് ഫോട്ടോ പ്രദര്‍ശനം ഒരുക്കിയിരിക്കുന്നത് .
