മണ്ണാര്ക്കാട്: ലോകബാങ്കിന്റെ സഹായത്തോടെ നടപ്പിലാക്കുന്ന കേര പദ്ധതിയിലൂടെ പുനര് നടീല് നടത്തുന്ന റബര് കര്ഷകര്ക്ക് ഹെക്ടറിന് 75,000 രൂപ നിരക്കില് സര്ക്കാരിന്റെ നേരി ട്ടുള്ള ധനസഹായം ലഭ്യമാക്കുന്ന സ്കീമിലേക്ക് റബര് കര്ഷകര്ക്ക് ഇപ്പോള് അപേക്ഷിക്കാം. ഉത്പാദനക്ഷമത കുറഞ്ഞ പഴയ റബര് മരങ്ങള് മുറിച്ചു മാറ്റി കാലാവസ്ഥാ വ്യതിയാനത്തെ ചെറുക്കാനും ഉയര്ന്ന ഉത്പാദനക്ഷമത കൈവരിക്കാനും കഴിയുന്ന പുതിയ ഇനങ്ങളാണ് കേര പദ്ധതിയിലൂടെ പ്രോത്സാഹിപ്പിക്കുന്നത്.
സംസ്ഥാനത്ത് 30,000 ഹെക്ടര് വരെയായിരിക്കും ഇത്തരത്തിലുള്ള പുതുനടീലിന്റെ ലക്ഷ്യം. ഇതിലൂടെ ഏകദേശം 50,000 റബര് കര്ഷകര്ക്ക് നേരിട്ട് സാമ്പത്തിക സഹായം ലഭ്യമാക്കും. 25 സെന്റ് മുതല് അഞ്ചു ഹെക്ടര് വരെ റബര് കൃഷിയുള്ള ചെറുകര്ഷകര്ക്ക് പ്രത്യേക പ്രാധാന്യം നല്കിയാണ് പദ്ധതി തയാറാക്കിയിട്ടുള്ളത്. ആദ്യ വര്ഷം 55,000 രൂപയും രണ്ടാം വര്ഷം 20,000 രൂപയും എന്ന രീതിയില് ഓരോ കര്ഷകനും പരമാവധി രണ്ട്ു ഹെക്ടര് വരെയുള്ള റബര് പുനര് നടീലിന് ധനസഹായം ലഭ്യമാകും. ധനസഹായത്തോടൊപ്പം കേര പദ്ധതിയുടെ ഭാഗമായുള്ള ശാസ്ത്രീയ കൃഷിമുറകളും പ്രകൃതി സൗഹൃദ കാലാവസ്ഥ അതിജീവന രീതികളും കര്ഷകര് ക്ക് കൈമാറും. മികച്ച ഇനങ്ങള് ഉപയോഗിക്കുന്നതിനാല് ദീര്ഘകാലത്തേക്ക് ഉത്പാദനം ലഭി ക്കുകയും വരുമാനം വര്ധിക്കുകയും ചെയ്യും.
കാലാവസ്ഥാ പ്രതിരോധ ശേഷിയുള്ള അത്യുത്പാദന റബര് തൈകള് കര്ഷകര്ക്ക് എളുപ്പത്തി ല് ലഭ്യമാക്കുന്നതിന് ഈ ജില്ലകളിലെ 30 അംഗീകൃത നഴ്സറികള്ക്കും അടിസ്ഥാന സൗകര്യ വിക സനത്തിന് സ്കീമില് പിന്തുണയുള്പ്പെടുത്തിയിട്ടുണ്ട്. നല്ല തൈകള് കുറഞ്ഞ ചെലവില് കര്ഷ കര്ക്ക് ലഭ്യമാക്കുന്നതിന് ഓരോ നഴ്സറിക്കും പരമാവധി ആറു ലക്ഷം രൂപ വരെ സബ്സിഡി അനുവ ദിക്കും. ഓണ്ലൈന് രജിസ്ട്രേഷന് ചെയ്ത കര്ഷകരെ കേര സംഘടിപ്പിക്കുന്ന പരിശീലന പരി പാടികളിലേക്ക് ക്ഷണിക്കും. യോഗ്യരായ കര്ഷകര്ക്ക് സഹായം ലഭ്യമാക്കുന്നതും, പുനര്നടീല് ശരിയായി നടപ്പാക്കുന്നതും ഉറപ്പാക്കാന് കേരയുടെ ഫീല്ഡ് ഓഫിസര്മാര് നേരിട്ട് വഴി കാട്ടും.
അപേക്ഷിക്കുമ്പോള് തിരിച്ചറിയല് രേഖ, ഫോട്ടോ, ബാങ്ക് പാസ് ബുക്ക്, കൈവശാവകാശ സര്ട്ടി ഫിക്കറ്റ്, കൃഷിയിടത്തിന്റെ സ്കെച്ച്, അംഗീകൃത നഴ്സറിയില് നിന്ന് നടീല് വസ്തുക്കള് വാങ്ങിയ തിന്റെ ബില് തുടങ്ങിയ രേഖകള് ഓണ്ലൈനായി അപ്ലോഡ് ചെയ്യണം.കൂടുതല് വിവരങ്ങള് കേരയുടെ റീജിയണല് ഓഫീസിലോ 9037824049, 9995297590 എന്ന നമ്പറിലോ ലഭ്യമാണ് .ഓണ് ലൈന്: www.keraplantation.kerala.gov.in.
About the Author
